]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة مولد السيدة زينب

بواسطة: ياسر شرف  |  بتاريخ: 2014-05-11 ، الوقت: 22:06:19
  • تقييم المقالة:

قصيدة مولد السيدة زينب

==============

مدد مدد  ده يا ال البيت واللى يصلى البركة تزيد يا ام العواجز يا منجدة وطاهرة خالص يا سيدة مولدك ده ذكرى للايمان يفوح عطور وفى كل مكان ده يوم ميلادك كان يوم عيد نور وخلى الكون ده سعيد سنين تمر مع الايام وبنفتكر هبة الرحمن دى بنت بنت رسول الله سيدنا النبى الله الله صلوا وسلموا يا احباب دى الجنة فتحت له الابواب المصطفى طه العدنان نبع الصفا ومهد الايمان وامها فاطمة الزهراء ذكراها عطرة وخير وصفاء وابوها زينة شباب المسلمين فادى الرسول وامام للدين سيدنا العلى رابع الخلفاء وبذكره يكتر كل دعاء واخويها سيدنا الحسن والحسين مصابيح مضيئة للعلمين يعنى شريفة من الاشراف وزينة بنات كل الاشراف مدد مدد يا سيدة يا ام العواجز ومنجدة ده حبها فى قلوب الناس يزيد محبة وكمان اخلاص قبلى وبحرى من كل مكان يحتفلوا بيها فى نفس المكان ويفرشوا على كل رصيف ويباتوا اسابيع لو فى الصيف ويحوشوا ده بطول العام وبيصرفوا خدمة للمقام ويسهروا ايام وليالى ويمدحوا مولدها الغالى وبياعبن اكل وطراطير بيرزقوا والخير ده كتير مراجيح وضرب كمان ونيشان ملبن وياكله الكسبان وعيش ولحمة وفول نابت صابح لذيذ ومش بايت مقامها بركة للسكان ورمز تقوى وخير وسلام والذكر واصل ليل ونهار وجامعها ايد بالانوار الله حى الله حى مولد فرحة لكل الحى هى الدنيا مولد وكبير وبمولدها بيجى الخير مدد مدد ياسيدة يا ام العواجز ومنجدة  

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق