]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

قصيدة الحب مش لعبة

بواسطة: ياسر شرف  |  بتاريخ: 2014-05-09 ، الوقت: 15:14:02
  • تقييم المقالة:

قصيدة الحب مش لعبة

==============

حبيبي ينفخ زمارة صوتها يهفهف باشارة

افتح له قلبي من الحارة علي مشربيه بسنارة

بيبص لي بسهم عيونه ويبعت رسايل جبارة

ترشق في قلبي وعنيا واقول له اصبر انا جاية

وارد برضه بنظراتي بحوار بيشغلني يوماتي

اسمر سماره جميل وطويل بيهز قلبي بالمنديل

ساكن في شبرا ومن التحرير يبعت رسايل وكمان مراسيل

عايزني انزل واقابله يخش بيتنا هو واهله

يبعت في اطقم حنية باشارات كتيرة وملاغية

ويا لهوى ده الشوق بيزيد ويزيح ستاير الحب اكيد

والشيش بيفتح اى حجاب ويخش من الباب للشباك

لكن سمعت انك كذاب بتزيد كتير من الاسطوانات

الحب عندى يعنى جواز مش فتح شيش او كسر ازاز

وقالوا لي عنك انت فلاتي وتحب تعمل قرداتي

 اسمع  بعقلي اصدقهم لكن بقلبي اكذبهم

يأبو وردة حمرا وضفيرة كفاية شك وكمان غيرة

 وما تفتكرش اني وسيلة ولا حتي شيشة وتعميرة       

لكن الحقيقة فين هي  ده انا بنت بلدي ومصرية

يغلط في اسمي وعنواني لازم يدوخ كده من تاني

ويجي يخبط على بابنا يفتح له ابويا  واحبابنا

علشان تنول اللي في بالك لازم تجهز اموالك

شبكة وخطوبة مهما يكون وكتب الكتاب علي ايد مأذون

ساعتها اسعد فى حياتك واكون حقيقي انا مراتك

واخرج بطرحة وعباية واتباهي بيك وانت معايا

واقول ده راجلي وسى السيد جوزي وحبيبي اسمه السيد

 هي الاصول كده معروفة عريس بيشبك في عروسة

لاتقول لي لوك لوك وكتر كلام مش عايزة شبكة كلام في كلام

شبعت يعني كتير افلام نفسي تتحقق في الاحلام

لا تلف وتدور وتفاضل احنا بنشترى الراجل

وماتخافش برضه مهما يكون يالا بنا كده عالمأذون

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون

YSHARAF37@GMAIL.COM- 01005285578

 

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق