]]>
خواطر :
متعجرفة ، ساكنة جزيرة الأوهام ... حطت بها منذ زمان قافلة آتية من مدينة الظلام...الكائنة على أطرف جزر الخيال...   (بلقسام حمدان العربي الإدريسي) . 

قصيدة صرخة فقير

بواسطة: ياسر شرف  |  بتاريخ: 2014-05-02 ، الوقت: 00:33:28
  • تقييم المقالة:

قصيدة صرخة فقير

============

فقير ومعدوم كده مطحون والصرخة منى تهز الكون ساكن مقابر فى البساتين ويقولوا عايشين مع ميتين وبايدى ايه ماهو اصله مافيش لاشغل دايم ولا بقشيش وبرغم ده انا لازم اعيش واجيب ولاد ويخشوا الجيش ويقولوا علينا اولاد السيس لا ورث واخد ولا قرص حشيش ويقولوا تربة وليها حرمة ما انا برضه ليا بقى حرمة ويسالونى بتاكل ازاى اقول لهم فى العيد الجاى ناكل فطاير من الرحمة دى اهالى بتزور بالرحمة او حتى يعنى ميت مات وبيدفنوه ويا الاموات اهاليه بيدونا من الحسنات وفاكهة يعنى من الستات وادينا بنعيش ونموت بالذات زى الاحياء وزى الاموات نظرة ورحمة من مسئول شوفوا لنا حل وشوية فول وانا الفقير معدوم مطحون والصرخة منى تهز الكون ساكن عشش فى العشوائيات وحياتى زحمة كتير واهات ولادى خمسة ومراتى عايشين فى عشة وانا راضى والمشترك هو الحمام والدور ده واصل لفيتنام مقضينها صيام وعذاب والعيشة زفت وكله هباب نطلع نبيع كده سريحة والرزق ضيق يا فتيحة نظرة ورحمة من مسئول شوفوا لنا حل وشوية فول وانا الفقير معدوم مطحون والصرخة منى تهز الكون انا الفقير عامل تراحيل عالرزق اسعى ويتهد الحيل فى يوم فى لقمة ويوم مافيهوش وارجع لاهلى بدون ملطوش والعيشة غالية بدون ملطوش وحياتى تبقى حلق حوش نظرة ورحمة من مسئول شوفوا لنا حل وشوية فول وانا الفقير معدوم مطحون والصرخة منى تهز الكون فلاح ورزقى يومى بيوم وساعات بنشقى وبدون نوم وطول النهار نزرع بالفاس والعيشة صعبة وانا محتاس سماد تقاوى غالية يا ناس والارض حقفلها بترباس لا زرع طالعة بتكفى عيال ولا رزق واحد بيوفى الحال نظرة ورحمة مسئول شوفوا لنا حل وشوية فول  

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM

01005285578

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق