]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

.. " ما نيش زعلان " ..

بواسطة: عمرو ابراهيم سيد أحمد مليجي  |  بتاريخ: 2014-05-01 ، الوقت: 21:11:55
  • تقييم المقالة:

.. " ما نيش زعلان " ..
...........................

ما نيش زعلان ومش هزعل
عشان قلبك لو اشتاق لي
ما يحترشي ولا يزعل
ما نيش زعلان
ما نيش زعلان من امبارح
ولا وجع السنين طافح
بيسمح للزّمان يسمح
يداوي جرحنا الجارح
ما نيش زعلان
ما نيش زعلان ومتأزّم
وحضنك لسّه بيعزّم
وبايع صبري للذكرى
وناوي يكفّنه بكره
بلا بركان
وازعّل نفسي ليه منّك
وانا قادر اشيل عنّك
واروّض نفسي واجبرها
على الكتمان
ومش هعْزف على عودي
امل كداب
ولو حتى يقول عودي
هقول كداب
ولو وقفت على موتي
راح اكتم لك كمان صوتي
واقول العيبه عـ الهيمان
دا مهما القلب شال منّك
وكان البعد من ظنّك
هيرْجع تاني من تاني
يدوّر فيكي عن قسوة
تعوّدني على النسيان
ما نيش زعلان
يا ست القلب يا شيما
يا ساكنه فـ دمعتي العايمه
انا هرْدم على شوقي
لحد ما تقْدَري تفوقي
ومش ندمان
ما نيش زعلان ومش هزعل
ما نيش زعلان

.......... شعر ..........
.. " عمرو المليجي " ..
مصـــــــــر 21/4/2014


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق