]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

حوار داخلي

بواسطة: أوس اللقيس  |  بتاريخ: 2014-04-28 ، الوقت: 13:09:19
  • تقييم المقالة:
اضروب الجبل بحجر, بس ما تقلي بيوقع,
و ما تكب همومك بالبحر لأنو كلو زبالة.
ما تقلي منَّك لحالك, أنا مش شايف حدا,
ما بصدق غير عيوني لأنو الحكي ما بينقشع ولا بينمسك.
ما تلبسي كعب عالي, الكعب ما بيعملِك مرا,
وبكرا بس تكبري, بتصيري تصغري حالك!
ازا حكيتني وما رديت بكون نايم,
وازا رديت ما بتكون فيقتني,
بس صير شوفير فان حط عينك بعيني,
وقتا بتعرف انو قيمتك عندي ألف ليرة,
مضطر قلَّك مرحبا وانت مضطر تقلي أهلاً.
تعا بلا ما نضحك عبعض,و بس شوفَك تختفي؟
ما بغير الجينز تبعي مش لأنو ما عندي غيرو,
بس يا خيّي الجينز جينز...و البحر الاحمر شخصيا لونو أزرق.
ما معي مفتاح سيارة لأنو ما معي سيارة,
وما معي مفتاح تكسي بس كل يوم بطلع بتكسي شِكل.
فهمت فكرتي؟ الأجار أضمن لأنو الحياة بتخلص,
لشو وجع الراس وإمتلك مشاعر؟
يا خيّي بستأجر مشاعر مناسبة لكل مناسبة والتنوع مهم ومفيد,
الدنيا عم تتطور و كل يوم في مشاعر جديدة,ما ضّيع راس مالك عشي واحد.
استخدمو بإشيا تانية, جيب فنجان قهوة بعشرة تلاف,
بعرف انو بيشبه تبع الألف,بس هيك صارت قيمتك بتسعة,حسبتا منيح؟
ليش كل العالم بتلبس كونفرس؟ لأنو العالم بتحب تشبه بعضا,
ازا مشيت عإديك بعرف انو ما بتوسخ صباطك, بس يا خيي الصابون كمان إلو حقو.
ازا الدنيي برد فيك تغسّل؟ طب ازا المي مفطوعة؟
مش قصدي خبرك إنك غلطان. كلمة غلط هيي الغلط الوحيد.
ما في شي غلط عندي لأنو ما في شي صح,
ولا مرّة عطيتك علامة,بس انت كمان منَّك أستازي,صح؟
عم بحكيك بالكيبورد لأنك مش شايف عيوني قبل.
ازا مش فهمان الحياة ما فيي علمك ييها,
بس فينا نصير نروح عالمدرسة سوا.
مش مدخن بحمام المدرسة؟ يعني شهادتك مجروحة.
المستقبل قدامي؟
او أنا أعمي وشايف حيط,أو انو المهندس بلا فهم.
مرة كتبت قصيدة لشحاد وعطيتة ييها ,
حطا بتمي فبلعتا لأنو ما بحب المشاكل.
خطي بشع؟ بعرف بس الموضوع مش بإيدي.
ما بعرف احكي غير عربي.
لغة وحدة و ما عم بعرف عبّر فيها, كيف ازا تعلمت غيرا؟
الساعة مش عم تمشي مش لأنو منزوعة أو بدا بطارية.
بس لأنو نحنا بعدنا محلنا, لك إي..مش شايف العجقة؟
"أثبت وجودك بلايك" أنا من جهتي غايب.  

www.facebook.com/aousezz


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق