]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

صرخة أم شهيد

بواسطة: ياسر شرف  |  بتاريخ: 2014-04-14 ، الوقت: 15:35:17
  • تقييم المقالة:
صرخة أم شهيد =========

حلمت بيه حلم طفولى حمام يرفرف على طولى

وملايكة من عند الرحمن فرحانة بشهيد الاسلام

وزهور محاوطة شمال ويمين بروايح الجنة وياسمين

وقالوا لى ده هو شفيعى فى الجنة ابنى وحبيبى

فرحت فرحة وقلت امين بقدره احنا كده راضين

انا حاجة برضه بيت الله وراضية بقضائه جل علاه

امانته هو اللى اخدها بحكمة وبقدر ميعادها

وكل ده كان الاحساس فى منام ورؤية وبوسواس

والفرحة كانت مكتومة بدموع وسخنة ومحمومة

والداهية دايما فى الشيطان اللى بيشعل فى النيران

ده مهما كان انا انسانة وغصب عنى ده جوايا

وفجأة صحونى على نهار والحلم علم وصار

قتلوا وحيدى بأسم الدين وهم برضه فى نفس الدين

دى الروح بترجع لخالقها ازاى تكون انت زاهقها

وصرخت صرخة كالبركان بلهيب حمم وفى كل مكان

حرقت فى قلبى وضلوعى وفى كل جسمى بدموعى

ده كان فى بطنى ايام وشهور قبل مايخرج بقى للنور

ده حتة منى ومن دمى وبكائه كان همى وغمى

وندرته يبقى صلاح الدين شهيد يحرر فى فلسطين

ده فى كل ركن انا ربيته يجرى ويلعب ده فى بيته

ولما كبر واصبح ده عريس قال لى ياأمى شوفى لى ونيس

خياله دايما بيجى لى يقول لى ياأمى ادعى لى

وطيفه يهفهف حواليا محفور فى قلبى وعنيا

يتيم ابوه سابنى لوحدى هو وابوه واعيش وحدى

عايش معايا يكلمنى ويسرى فى دمى ويكلمنى

وسؤاله دايما لى حزين ليه مايحرروش قدس فلسطين

بدل ما يقتلوا مسلمين واخوة ليهم من نفس الدين

يا كل ام وليها شهيد فى بلد وعربى بتبكى اكيد

اتحدوا صلوا بأسم الدين يهدى قلوب المسلمين

ويعرفوا حيحاربوا مين ويحرروا قدس فلسطين

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون محمول:01005285578 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق