]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

صورتك قصاد عينى

بواسطة: مصطفى منصور  |  بتاريخ: 2014-04-10 ، الوقت: 17:26:04
  • تقييم المقالة:

صورتك الحلوة قصاد عينى دايما قدامى فى كل مكان

وبسأل إمتى هتجينى ياللى مخلينى فى غرامك ولهان

لقاك الهوا اللى بيحيينى والحياة من غيرك حرمان

حياة دايرة وموجود أنا فيها بتنفس أه بس مش عايش

حياة أنت أكبر أمانيها وشوقها اللى معيشنى فى نار

حياة أنت حلم لياليها وفكر يغلبنى فى النهار

حياة أنت الأمل اللى يخليها تمشى وتكمل المشوار

إبتسامتك الجميلة مبتفارقنيش وطول الوقت على بالى

من غيرك مش عارف أعيش إمتى ترجعلى يا غالى

ده مهما فراقك طال مينسنيش حبك اللى إستنيته أيام وليالى

وحياتى عندك متسبنيش أنت أغلى هدية القدر بعتهالى

معايا فى كل لحظة ودقيقة مغيبتش عنى ولا ساعة ولا ثانية

وعيونك دى بحور غريقة النظرة منها حاجة تانية

رقتك مع ضحكتك البريئة بيها تنور الدنيا ومن غيرها تصبح فانية

نفسى أشوفك بأى طريقة ده الفرقة عليا أحكام جانية

وجودك معايا بينورلى دنيتى زى الشمس تجدد اليوم فى شروقها

ده أنت الملاك اللى فى جنتى وأية من الجمال بتأمل فى فنونها

معاك هبدأ طريقى وسكتى ياللى حبيت كل صفاتك مهو كل صفة وليها لونها

الدنيا تيجى وتروح وحبى ليك أعلى من كل الصروح

عنك عمرى ما أتحول وقلبى ليك كتاب مفتوح

وفراقك كل ما يطول يزود جوايا الجروح

حبيبتى أنتى زهرة فى بستان عطرها تملى بيفوح

أنتى أميرتى بفستان وأنتى ليه العمر والحياة والروح

كلمات: مصطفى منصور









 


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق