]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

سؤال؟!

بواسطة: أحمد المغازى كمال  |  بتاريخ: 2014-04-10 ، الوقت: 09:30:08
  • تقييم المقالة:

سؤال: مش كنا مستنظرين اليوم اللي الشعب يتلم فيه حوالين قائد واحد؟ أمال الناس زعلانه ليه من ترشيح السيسي؟ خلال التلات سنين اللي فاتو: - النخبه راهنت ع الإخوان وقالولنا الخير جاي على قدومهم -انتخبوهم.  انتخبناهم!  ومن ساعتها واحنا بندفع تمن اختياركم الفاشل. بندفع تمَن ثقتنا فيكم. طب ينفع نسمع كلامكم تاني؟
-يبقى سيبو الجيش يصلّح غلطتكم ويقضي على ديول الإخوان اللي جبتوهم للسلطه. علطتنا اننا سمعنا كلامكم.
مش الجيش نفّذ أوامر الشعب وشال مبارك؟ مع إن مبارك ابن الجيش؟ 
مش الجيش نفّذ أوام الشعب وشال مرسي؟ 
الجيش بردو حينفذ أوامر الشعب لو الرئيس الجديد لعب بديله وغيّر الدستور -سواء صباحي أو السيسي.
أصل الجيش هوا عيّنة الرجاله اللي يعتمد عليها في البلد.
ليه؟
لأنه عينه مختاره ع الفرازه -من كل أسره مصريه. دايما حتلاقي واحد أو اتنين في التجنيد.
أساسي بعد "علام" المدارس والمعاهد والجامعات والغش والكسل، بتروح الجيش تاخد كورس وطنيه ورجوله.
تبدأ يومك في عز الفجريه وبقية التسعين مليون بيشَخّرو أو لسا سهرانين. 
مبلاش نضحك على بعض. مين بيشتغل غير الجيش والقطاع الخاص؟
سيبوني اكمل:
يعني كل عيله فيكي يا مصر منها عسكري او ظابط في الدّيش. يبقى اللي يغلط في الرجاله دول يبقى بيشتم في الفئه الوحيده اللي البلد معتمده على خدماتها وهيا مغمضه عنيها. وبيشكك في أخلاق أخوه وأخوك وأخويا واولاد عمي التلاته اللي بيخدموا في العسكريه. 
انتا كسلان، ليه تشتم في المجتهد اللي بياخد لك حقك؟
⁃طيب اكمّل شويه كمان …
⁃ يسقط يسقط حكم العسكر .. الإخوان قالوها وبيقولوها عشان العسكر هما اللقمه الوحيده اللي واقفالهم في الزور.
لو فيه رجال من النخبه والمثقفين والمشايخ والمصلحين الاجتماعيين كانو هزمو الارهابيين بالفكر. ومكناش احتجنا لتضحيات الجيش.
مش ده دور المثقفين؟ يحاربو بالعقل والمنطق؟ انما فشلوا فشل ذريع! مش عارفين يقنعو حبة إخوان وسلفيين عشان يبطلو فرقعه وتهديد.
يبقى داري على خيبتك الفكريه. هوا انتا لا منك ولا كفاية شرك؟
سيب العضلات تتفرد وسيب الرجاله تشمر كمامها وتعمل اللي انتا فشلت فيه يا مثقف يا بتاع الكلام المكلكع جاتكو رزيه في علامكم الخيبان.
⁃ فلو سمعت نخبوي بيقول يسقط يسقط ... شِدّه من ضفايره وقول له: قدم لي البديل يا سلبي يا ابن التاريخ السلبي. 
عندك بديل ينجز ويسد زي الرجاله م أنجزو؟ ارمي بياضك والاّ نقطنا بسكاتك.
انتا كمان انك محتاج الجيش في الفتره اللي جايه عشان التعابين متتسحلبش تاني وتستكردنا تاني ب:قال ويقول. 
وسعادتك تطاطي تاني عشان يركبوك تاني زي مركبوك أولاني وانتا مشغول باللمونه ونازل عصر.
⁃ انتو نسيتم ولا ايه؟
⁃ واجب النخبه والمثقفين انهم يقدمو وجبات بديله.
مش يرفصو كل اللي يتحط ع الطبليه. 
دا الموجود. مش عاجبك السيسي؟ مش عاجبك صباحي؟ قدّم بديل!
طب فاكرين لما مرسي اترشح؟ 
النخبه قعدت تولول وتعترض على ترشحه وتضيّع الوقت الغالي بدل م يجيبو شخصيه تليق بينا وننافس بيها الاخوان.
بطّلو ولوله واعتراض على ترشح السيسي. 
اتعلموا من أخطاءكم!
هاتو لي شخصيه محترمه لو السيسي وصباحي مش عاجبينكو. دول اللي حيلتنا دلوقتي.
ابدأو في تكوين الكوادر السياسيه واحمدو ربنا ان الجيش بيأصأص في ريش الاخوان والسلفيين اللي دايما بيضحكو عليكم في الانتخابات.


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق