]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

اوبريت قاهرة المماليك

بواسطة: ياسر شرف  |  بتاريخ: 2014-04-05 ، الوقت: 18:02:01
  • تقييم المقالة:

اوبريت قاهرة المماليك

================

تتركز الكاميرا على احياء القاهرة القديمة العريقة وسبب تسميتها ونبذة تاريخية عنها وما يمارس فيها الان من انشطة حالية وهى منطقة ثرية جدا وجميلة جدا تفوح بعبق التاريخ وتعكس مصر الاسلامية فى ذلك الوقت لذا فان هذه الصورة الزجلية تجمع بين الواقع والخيال التاريخى لهذه الحقبة لنتعلم من تاريخنا بصورة غير مباشرة وبطريقة شيقة وجذابة ولنبدا جولتنا من حي الجمالية حيث تتركز الكاميرا على تصوير حى الجمالية الحالى وهو من الاحياء الشعبية العريقة التى تعكس ذلك العصر ويقوم الرواى بذكر نبذة عن هذا الحى بصورة زجلية بالاضافة الى بعض المشاهد والصور الواقعية لهذه الحى حاليا ويقول الرواى :

اصل ومصرى التربية فى حى اسمه الجمالية الحركة فيه ليل ويا نهار ومؤسسه جمال الاستدادار بسببه كانت التسمية للحى واسمه الجمالية مملوك مؤسس من المماليك وتاريخه شاهد وبيرضيك واثاره دالة وزاخرة لتأسيس مدينة القاهرة بسور بيحمى العاصمة وابواب حروب للقاهرة باب الفتوح لخروج غزوات تقهر بلاد وتزيد فتوحات وخيالى سامع هتاف فرسان على الحصان بسيوف شجعان خارجة تحارب تحمى حدود وتعود بنصرة وفرحة عود وتدخل ودايما من باب النصر بهتاف يدوى النصر لمصر ابواب جميلة تدق اذان عرفان وتشكر للرحمن روح التاريخ بتفوح فى جدار دروس وعبرة للثوار كنوز ولازم نحميها ترميم وبروحنا نفديها ونبدأ دخولنا بذكر الله وجامع الحاكم بأمر الله مسجده تحفة فنية وبينتمى للشيعية وبداخله سور القاهرة ويا الطبيعة الساحرة بيديره بهرة بامر الله والحكم برده كمان لله بدقة ونظافة حافظوا عليه وكل فترة بيأتوا اليه وخارجه بره ميدان مفتوح كان سوق وعطره يهف يفوح تجار بيجوا من كل مكان ببضاعة شاملة اشكال والوان مغرب وليبيا وحتى سودان كله بيعرض فى الدكان وكالات ده يعنى كتير دكاكين واقامة فيها مع التيسير عطور توابل مع بهارات ياميش وبندق ومكسرات اسواق دى جملة وقطاعى ومقايضة عامة وجماعى طرح عباية مع البشكير جلاليب كتيرة بشكل مثير كانت حياه كده يومية صفحات اصيلة ومصرية ياريت نعيدها نحيي تاريخ ده ميراث ولازم للتأريخ ويكون كدة مسرح مفتوح وطرازه عربى اصيل وطموح ونمر برده بسوق اللمون ولسه شاهد على الفنون اصفر واخضرشكله جميل مزروع ومروى بمية نيل ودكاكين كتيرة قصب وعصير سكر وشعبى للملايين وقهاوى بارزة فى كل مكان بشيشة حمى اشكال والوان وفى كل حتة سبيل كتاب وجامع بمدنة ويعنى ثواب طراز ده اموى وايوبى عباسى تركى ومملوكى حمام مخصص يوم ستات ويوم رجالى بحبشتكنات   قلاوون والاشرف برسباى وقنصوة الغورى وقايتباى جامع بمدنة وبيمارستان ومدرسة والفن جنان وبيوت قديمة بمشربيات لحريم تشاهد الاحتفالات كانوا يقولوا عليه حرملك مربوط بسلم وسلاملك والفن عربى ومعمارى ارابيسك تركى واسلامى وكسر الرخام يعنى فسيفساء يزيد طلاوة بنزول الماء ومنبر معشق كمان بالعاج ابنوس ومكسى بكسر زجاج وكتابة كوفى وتركية وبخط عربى ومصرية وضريح مخصص للملوك ويمكن يكون اصلا صعلوك كتاب سبيل ده لفاطمة خاتون تشرب وتدعى الرحمة تنول ورش نحاس وصنايعية قلبوها مطعم طعمية والحى اسمه النحاسين لقدور نحاس وشيش تماثيل وبعده حى الحسينية لسيدنا الحسين التسمية بين القصرين والسكرية ونجيب بيكتب ثلاثية ووصلنا برده لقصر الشوق ومحفوظ بياخد جايزة لفوق يكتب يومياتى فى الفيشاوى بوحى ادبه واصله ده غاوى ندوات كتيرة للمشاهير كانت فى نفس القهوة تصير   وحينا خان الخليلى لمؤسسة جركس الخليلى كانوا بيجوا من الخليل تجار كثير والرزق كتير بازارات مقاهى سياحية وبخور سبح حلوانية سياح وجاية من كل مكان بتشترى اشكال والوان المان طلاينة وامريكان من الصين وبرده من اليابان تماثيل حجر وكمان اخشاب لفراعنة فتحوا علينا الباب حورس امون ونفرتيتى وتوت وعنخ وكمان تيتى وتركواز ولابيس لا زولى واونيكس عنبر زيه مافى احجار كريمة ومعروفة ياخدوها ذكرى للمحروسة والصاغة تاثر فى الوجدان دهب وفضة ولولى كمان حلقان خواتم وكمان عقدان بالوزن يبقى كله تمام وبيكتبوا اسماء خراطيش دهب وفضة وزيه مافيش والسعر قصة وحدوتة والسمعة سابقة ومظبوطة بنصيحه واخدنها وعارفين فصال ده لازم يبقى كتير هاو ماتش يعنى يبقى بكم؟ فيفتى ويعنى كده خمسين توماش يعنى كده ده كتير هاوماتش يعنى عايزها بكم؟ فيفتين يعنى خماستشر تعالى خدها يا خواجة وزبون ده ناصح طليانى يعيد ويسأل من تانى كوانتو كو ستا يعنى بكام ؟ شنتو يورو يعنى مية يورو سى فوربو يعنى انت لئيم كوا نتو كو ستا عايزها بكام؟ سونو مافيوزو يعنى انا من المافيا يعنى عاوزها برده بكام؟ ترينتا يعنى بقى ثلاثين كومه فا ما تجيش ياماركو! كوارنتا يعنى اربعين مى اماسا يعنى بتدبحنى شاو اميكو يعنى مع السلامة فيينى ماركو تعالى يا ماركو سيامو اميتشى احنا اصدقاء باجا شينكوانتا يعنى ادفع خمسين نو كوارنتا سولتانتو يعنى اربعين وبس فا بينه ماركو يعنى ماشى يا ماركو سيامو مافيوزى يعنى احنا مافيا مع بعض وتلف تتغير جنسيات تزور تفاصل بكل لغات ونعدى برده على العطارين وريحته فايحة عالزائرين فلفل توابل مع بهارات كمون وشطة ومسكرات ونرجع نصلى ركعتين تحية لمقام سيدنا الحسين سبح بخور حواليه اسواق تفوح وتدخل كل زقاق وروايحه تحلى فى رمضان فطار سحور مع كل اذان كباب وكفتة ولحمة نيفة حمام ومحشى بطريقة لذيذة وفول مدمس مع طعمية وبتنجان مخلل واكلة هنية نفحات كتيرة مع اعتبارات ومسجدنا عامر بالبركات ونروح نعدى على الغورية مناظرها حلوة وهنية عبايات طواقى وايشاربات جلاليب وطرحة لكل بنات ووكالة اسمها الغورى وجامع بمدنة للغورى سبيل وكتاب للغورى وقصر ثقافة الغورى مجموعة كاملة اثرية لفن الحضارة الاسلامية وكالة كان فيها اسواق منتشرة برده فى كل زقاق مغرب وليبيا وبرده سودان لبنان وسوريا وكل مكان ومنتجات اشكال والوان بريحة حلوة زى زمان يارب يا خالق الاكوان نعيد حضارة مع الايام كتاب واسبلة كده منتشرين صدقات وجارية ليوم الدين وبيوت سبابكها مشربيات تخفى الحريم زى القمرات دكاكين قهاوى شمال ويمين يديروها برده المصريين ونروح لحى الخيامية قماش ومرسوم يدوية خيام دى كانت للمماليك وينصبوها فى فرح وعيد واشكال جميلة وطبيعية بخيال ده صانع يدوية ابرة وخيط والقطعة قماش ينسج ويبدع ونقول عاش حيوانات طيور انهار ميه اشجار زروع وعجول جاية والابرة تبقى قلم مكتوب تظهر تدارى اى عيوب سياح كتير يعجبوا بيها ويفوز ويربح اللى شاريها وجنبيها حى السروجية لعمل سروج حلوة قوية زينة وحلية لاى حصان يقعد عليه فارس الفرسان ونروح لحى المغربلين تجار حبوب كانوا شاطرين شعير وقمح وردة كمان فى غربال يغربل كله زمان دلوقت بقى سوق للسكان خضار وفاكهة وكله تمام ونروح وبرده لسوق السلاح وكان يصنع اى سلاح سيوف دروع وي رماح لفرسان يطيحوا بأى قلاع وقائدها معروف بسلحدار يعكف يطور ليل ونهار ونوصل لمسجد تحفة وحسن واسمه جامع السلطان حسن وقالوا عليه بالمصرية هرم العمارة الاسلامية اربع مدارس جوا كمان مالكى وشافعى وحنيفية معمار حضارة اسلامية وكتابة كوفى وقرأنية وسكن مخصص للدارسين ومستشفى ميرى وفيه كانتين وقصاده جامع الرفاعى وضريح ملوك والشاه عالى وميدان واسمه القلعة يطل برده عالقلعة قلعة بناها صلاح الدين تحمى البلاد وفى حصن حصين ويجى رائد التغيير محمد على اصلاح تطوير يسكنها يبنى قصر كبير وجامع داخلها بدون تفكير جامع ده تحفة فنية برخام وقيمة ادبية يشبه ده جامع فى الاستانة ونقوشه حلوة وعجبانة سياح كتير يجوا يزوروه ويخشوا فيه ويصوروه وضريحه شاهد عالتطوير برخام ومطلى دهب وكتير وقبة عالية بسقف كبير منقوش مزخرف بالازاهير ارابيسك يعنى اسلامى ونقوش جميلة وعاجبانى منبر خشب ابنوس وبعاج ترصيع معشق كسر زجاج ومنبر رخام ابيض وجميل مصنوع بدقة عربى اصيل وقصره كان تحفة وجوهرة واسمه قصر الجوهرة مبنى بدقة وحرفية لاسرة حاكمة وملكية وفيه صور ملوك ملكات لاسرة عالية وبنت ذوات وموكب المحمل برده زمان بكسوة الكعبة فى شعبان ومن سورها شفت القاهرة بأثار كتيرة وزاخرة اهرام فراعنة وحضارة ازهر وعالى بمنارة والنيل بيحمل خصب كتير لحضارة شاملة فى وادى النيل    

              مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق