]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

شركاء الوطن المجانيين

بواسطة: Ahmed Osman  |  بتاريخ: 2014-04-02 ، الوقت: 21:42:29
  • تقييم المقالة:

قصة حقيقية بس مؤثرة جدا جدا

إثنيين مصريين بلديات وفي نفس الوقت أصحاب ويعملوا بالخليج عند كفيل واحد في شركه واحدة

متفيقين في العمل والسكن لكنهم مختلفيين سياسيا
واحـــــــد مرســــــي
والتانــــي سيســـــــي

وكانوا عايشين في تبات ونبات ومقطعين هدوم بعض من شد اللياقات
وفي يوم من الأيام تعرضت الشركة لضائقة مالية كبيرة

فجاء بهم الكفيل وقال لهم يا شباب الشركه بتضيع من الخسارة فلازم نستغني عن واحد منكم وننزله مصر وإنتم الإثنيين أنا بحبكم ومقدرش أخد القرار ده ، أقعدوا مع بعض وإختاروا واحد منكم نستغني عنه والله الموفق والمستعان

فنظر بتاع مرسي لبتاع السيسي وقاله بس باضتلك في القفص يابرنس إنته قارفني بإحساسك المرهف الأن بحب مصر ومصر الأمل ، والسيسي الأمل والوطنيه زايدة قوي عليك اليومين دول إنزل إنته إتمتع بمصر مع السيسي حبيبك

فرد بتاع السيسي لا لا لا لا لا لا لا لا لا لا (( زي بتاعة أحمد موسي )) إنت كنت بتقنعني إن مرسي راجع وأنا مكنتش مقتنع ومكنتش مصدقك بس من المستجدات أنا مصدقك إنزل إنت بقي إحتفل مع الإخوان برجوع مرسي

فقال بتاع مرسي لبتاع السيسي يا جدع دي مصر إللي كنت بتتكلم عن حلوتها وجمالها مصر الحضارة مصر الأزهر مصر السيسي ياصحبي إنت كنت بتقلي إنكم يا بتوع مرسي معندكمش إنتماء لمصر ومبتحبوهاش زيينا فإنزل إنت بقي إبني مصر مع السيسي

فرد بتاع السيسي لا لا لا لا لا لا لا لا لا (( زي بتاعة أحمد موسي برضو)) أصلا يا صديقي العزيز الإخوان طول عمرهم ناس مكافحة  ( حسن البنا وكفاحة ضد اليهود في فلسطين - سيد قطب وقاومته لحكم العسكر الخائنيين - وأخيرا مرسي والإنقلاب عليه من السيسي اللئيم ) إنزل إنته يا برنس كمل كفاح أجدادك دي الثورة لسه مستمرة يا جدع

فإحتار الكفيل في أمرهم وقرر أن ينزلا مصر معا تقديرا لحبهم لبعضهم

وأنا وصلتهم المطار بنفسي ومقصرتش معاهم الصراحة عملت معاهم الواجب عملتلهم أغنيه مكس يسمعوها طول الطريق
بلدي بحبها كل حته في بلدي
مصر يا أم الدنيا يا حبيبتي يا بلدي
مصر أم الدنيا وحتفضل قد الدنيا
وثورة دي ولا إنقلاب
عايزينك أه عايزينك
وأخي أنت حرا وراء السدود

الخلاصة
متخسرش صحبك عشان السياسة يمكن إنتوا الإتنيين تنزلوا مع بعض

أحمد عثمان

 


 

 

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق