]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

رسالة إلى سعادة المشير الفريق أول عبدالفتاح السيسي

بواسطة: Fairouz Attiya  |  بتاريخ: 2014-04-02 ، الوقت: 09:49:23
  • تقييم المقالة:

 

 

رسالة إلى سعادة المشير الفريق أول عبد الفتاح السيسي::
سيدي الفاضل::
عايزة في البداية أعتذرلك إني قبل 30/6 ماكنتش الحقيقة أعرف حضرتك و كنت بحتاج شوية وقت لما اسمع اسمك عشان افتكر حضرتك مين في مصر،،، و عايزة أشكر حضرتك إنك كنت وحدك بقولك و بفعلك أحسن واحد عرفنا عليك و خلانا كلنا مش بس نحفظ إسمك و لكن كمان نتمنى نسمعه في أي خبر و نشوف صورته الجميلة في أي موضوع....
حبناك سيادة الفريق من قبل ما تكون مشير عشان كدا معلش سامحني لو لسة بناديك فريق،،، مش تقليل من قيمتك لا سمح الله بس بتعرف الانطباعات الاولي بتدوم....و انا برضو اول حبي ليك كان و انت فريق...
الحقيقة من كل قلبي مكنتش عايزاك تترشح لرئاسة الجمهورية مش قلة ثقة فيك و لكن دفاع عنك أمام أي شبهه كانت بتقول انك عملت انقلاب عشان طمعان ف السلطة المصرية غدرت برئيس مكنش موجود أصلا عشان تكون إنت الرئيس،،،،و علشان برضو مصر يا سيادة المشير محتاجة فريق في شجاعتك كدا على الحدود قبل ما يتوجد جوة السراديب.....بس عارفة برضو إن إحنا شعب عاطفي و لحوووووح و قدام ضغط الكل عليك و ضربهم على و تر الوطنية إنت اتنازلت عن رتبتك و راحة بالك و قبلت تبقى "مسئول رئيس"....و أي حد أعمى ممكن يقرا المسئولية دي على ملامح و جهك البشوش في خطابك للجماهير لما حبيت تزفلنا بنفسك خبر تخليك عن حياتك الشخصية مقابل تحقيق حلم الشعب بإنك تكون لينا جميعاً رئيس.....
يارب سعادة المشير تكون مبروك علينا رئيس و يارب ما نخاف في يوم من حلمنا بإنك تكون راجل البيت لكل بيت في مصر المحروسة....و يارب ما ننزل في يوم ضدك التحرير.....لأنو برضو مش عارفين لو اضطرينا و نزلنا منين لينا زيك تاني سند و ظهر شريف يا سعادة المشير؟؟؟
عايزة أقولك إني مش عارفة أقولك تدخل برجلك الشمال ولا اليمين؟؟؟ 
ما هي كدا كدا بطانة السوء متربصة بأي رئيس و الحشوة المنتفعة مستنية بفارغ الصبر اللي تعرف من وراه تاكل عيش.....
عايزة اقولك خد بالك الناس حبتك و إطمنلتك و مأمنالك على شرفها و عرضها و كرامتها مش بس لقمتها في العيش.....عايزة أقولك إوعى تخون حد أمنك سعادة المشير لو مهما كانت المغريات والمكاسب الخرافية الكتير.....
عايزة أقولك نفسي أرفع راسي من تاني ببلدي و اهل بلدي و اقول للكل دا اللي كنتوا بتقولوا عليه طمعان و خاين و منقلب و عميل....طلع عميل لمصر و لشعب مصر و مزغللتش عينيه أي حاجة غير رغبة الجماهير.......
عايزة أقولك قول على بركة الله بس إوعى تبعد عنها عشان تحاوطك و تحميك من عش الدبابير......
ربنا معاك يا سعادة المشير و ياااااااااااااااااااااارب ما حد فينا يندم على هذا الحب الكبيييييييييييييييييييير .
د.فيروز عطية


من كتاباتي.....


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق