]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

كيف مات ... ؟

بواسطة: Hosni Al-khatib  |  بتاريخ: 2014-03-27 ، الوقت: 15:20:43
  • تقييم المقالة:

كيف مات ... ؟      

الأول : كيفك يا زلمة وكيفو أبوك إن شاء لله تحسن،صارلي سنين ما شفتك.

الثاني : أنا ماشي حالي،الحمد لله بس الوالد أعطاك عمره.  

الأول : العمر إلك،بعرف كان والدك عندو القلب،الله يرحمه.

الثاني : بس والله الوالد ما مات من القلب.  

الأول : كيف مات ؟

الثاني : الله يرحموا،بآخر فترة ضعف نظروا كثير،ومرة كان طالع عالبلكون،ما شاف الحفة وقع وبتعرف بيتنا طابق ثالث.

الأول : له له على هالموتة،بكل الأحوال الله يرحموا.

الثاني : والله تعذبنا فيه كثير وعملنالو شي 12 عملية حتى تحسن.  

الأول : بس كيف مات؟

الثاني : صار يحمل عكازة ومرة عم يقطع الطريق سيارة مسرعة خبطتوا.  

الأول : يه يه الله يرحموا.

الثاني : ربك رحيم كان فيه جار إلنا حطوا بالسيارة ونقلوا عالمستشفى،بس النزيف الداخلي كان رهيب.  

الأول : الله يرحموا بكل الأحوال.

الثاني : بس أخذناه على إسبانيا،وبقينا 6 أشهر عم نعالج فيه والحمد لله تحسن.  

الأول : طيب كيف مات؟

الثاني : صار معه فشل كلوي حاد،وصرنا ندورعلى متبرع كلية،وتأخرنا وصار معه تسمم.  

الأول : الله يرحموا إرتاح.

الثاني : بالصدفة إجا شخص بيعرفوا من زمان،تبرعلوا بالكلية بآآآآآآآآخر نفس.  

الأول : بس كيف مات؟

الثاني : والله مرة بالبيت وهو قاعد ما إنتبه عالغاز،إحترقت الشقة وهو لحالوا فيها.  

الأول : يا لطيف على هالموتة ما أبشعها الله يرحموا.

الثاني : بس والله جارنا،الله يجزيه الخير كسر باب البيت ولحقوا بآآآآآآآخر لحظة.  

الأول : والله فهمنا بس قولي كيف مات؟

الثاني : والله إضطرينا نطخوا.

 

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق