]]>
خواطر :
يا فؤادُ، أسمع في نقرات على أبوابك تتزايد... أهي لحب أول عائدُ ، أم أنت في هوى جديد منتظرُ...   (بلقسام حمدان العربي الإدريسي) . 

بداية مسرحية

بواسطة: تاجموعتي نورالدين  |  بتاريخ: 2014-03-23 ، الوقت: 14:35:46
  • تقييم المقالة:

          

 

                           يا كما هزو الما

 

 

بينما كان شلهوب وكعادته يجلس بالمقهى ، المجاور للمحل

الذي يعمل فيه ككاتب عمومي في انتظار قدوم أحد الزبناء

مر خروب، إذ وقف فجأة ، وهو ينظر إلى صاحبنا يمنة

و يسرة بطريقة مستفزة مما أثار غضب السيد شلهوب  الذي

خاطبه متهكما :

-       وقلى لي مصيفطاك ، توحمات مسكينة على تصويرتي ؟

 

خروب ببرودة الأعصاب :

 

-       إذا نطق السفيه فخير جوابه السكوت .

 

شلهوب يقف غاضبا :

 

-       أشمن سكوت وانت طالق فيا سكود ، دبا أشنو باغي

 

عندي أصبحاتو لله .

 

خروب :

 

-       هاذا راه دخول في الصحة ، ياك ربي خلق من الشبه

 

الأربعين ، وراه من حقي انبركك فيكحتى نتحقق  فاين جيتي فوسط هاذ الأربعين .

 

شلهوب متهكما:

 

-       إوا ، أشمن نوبة جاتني فهاذ الربعين ألخاوة ؟

 

خروب :

 

-       خسارة عندك لودنين شويا طوال ، أما زعما كنت تكون

 

فوطو جنتيك ...  سبحان الله العظيم .

 

شلهوب وهو يأخذ بمقدمة عنقه :

 

-       لودنين شويا طوال ، ردتني احمار ، والله دبا لا اطلقت

 

 

 

منك غير يلى ما ربيتك أقليل الترابي .

 

خروب :

 

-       وراني فيا بوشويكة ، دبر لراسك ، راني نموتلك فعنقك

 

ويجيو الورثة يتركوك .

 

يخرج مسير المقهى السيد حماد ، ليفصل بينهما وهو يقول :

-       أنعلو الشيطان أسيادنا ، وراه هذا محل ذالرزق ، وما اعجبكوم تنوضها غير عندي هنا ، نعلو الشيطان ، اطلق منو أسي شلهوب ، وانت مالك معاه ؟

 

خروب :

 

-       أشريف .. راه جابك الله بحال الحسنة .. راه هاذ السيد غير بغى يتعدى عليا ، ودبا و كان يعرف الخير لي جايبلو ، ككان راه تيبوسلي راسي ، ما شي يجيفني حتى يبلز  لي عيني .

 

شلهوب :

 

-       يبوسك حنش يا ولد لحرام ، أسدي غير بعد مني ، وذاك

 

 لخير لي جايبولي ،غير زيدو فراسك .. وعباد الله أنا كالس

 

ما عليا ما بيا ، حتى تنشوف الراجل مبلوع فيا ، ومني سولتو ياك لباس،كلس يكوليا domageلي ودنيك اطوال ،

 

واش هذا احمق ولا مصرفق .

 

 

 

حماد لخروب :

 

- اشنو هاذ قلة الأدب أسي ، واش ما عرافش أن التبركيك

 

عيب ؟

 

 

خروب :

 

- بلا ما تحماو الله يخليكم ، راني فعلا كنت تنبركك فيه ، حيت بغيت نعرف واش هو ولا لا ، راه المسألة فيها خير كبير مدلي فواحد البير.

 

حماد وهو يغمز شلهوب :

 

-       أسيدي غادي نقراو فيك الأمان ، أشنو هو هاذ الخير لي جايبو لسي شلهوب ؟

 

خروب :

 

-       وبعدا يتأدب معايا أولا ، ثانيا يعتذر على لي مد يدو فيا ، ثالثا يعيط لي على قهوة قاصحة على احسابو ، ومن بعد واصلو لحديث .

 

شلهوب  مخاطبا حماد:

 

-       تخاطر معايا أسي حماد ، هذا راه نصاب ، وراني شميت فيه ريحت لخواض .

 

حماد وهو يغمز شلهوب مرة أخرى:

 

-       دخلت عليك بالله ، يلما غير اعتذر ، والقهوة أنا نخلصها غيرخلنا نسمعو ونشفو التاليا مع هاذ خينا .

 

شلهوب :

 

-وخا أسيدي،كلس بعدا وشرفنا بسميتك ، وأصلك وفصلك.

 

خروب :

 

-       وشتي دبا مني كتحضر، الأمور كلها غاديا تمشي على أحسن ما يرام .. أنا أسيدي سميتي خروب ، ولد باب الله

 

خبزتك رها عندي أسي شلهوب ، هاذي مدة ونا تنقلب عليك ، ماخليت لا درب ولا سوق ، إلا ودخلت نبركك فيه

 

 

 

وبسببك  أسي شلهوب ، تهرويت ماشي مرة ماشي جوج .

 

حماد :

 

-       راني والله ما افهمت والو ، وضح الله يخليك ، كلامك راه شويا فيه الغموض .

 

شلهوب :

 

-       أنا بعدا ، جاتني هدرتو غير ديال السمايريا ، أشمن خبزة

 

ديالي عندك ، وشبيني وبينك باش تهروى بسببي ؟

 

خروب :

 

-       أنعل الشيطان يا هاذ الرجل ، راني قلت ليك ،أنا غير ولد

 

باب الله ، ما شي سمايري ، راني قلت ليك جاي مسخر ليك ، ونزيدك حاجة ، راه ملزوم عليك اتفاهم معاي وملزوم عليا نردلك الخبزة .

 

شلهوب :

 

-       ومشطبا هاذي مع هاذ خينا ، يا الله دخل مباشرة فالموضوع ، علاش بغيتي نتفاهمو وشنو كتقصد بالخبزة

 

 ديالي لي عندك  ؟

 

خروب :

 

-       ما قلت عيب ، غير الله يخليك حل ودنيك ، وحاول تصدقني ، لأن لكلام لي غادي تسمعو يلا افهمتيه وطبقتيه ، رها الخبزة تجيك بالملموس حتى ليديك

 

وارتاح أنا من المشقة ديال التكليف .

 

حماد :

 

-       واخا أسيدي ما قلت عيب ، غير وضح ، وأنا من الشاهدين .

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق