]]>
خواطر :
مولاي ، لا مولى سواك في الأعلى ... إني ببابك منتظر نسمات رحمة...تُنجيني من أوحال الدنيا وحسن الرحيل ...   (بلقسام حمدان العربي الإدريسي) . 

.. " جاوبي بقى " ..

بواسطة: عمرو ابراهيم سيد أحمد مليجي  |  بتاريخ: 2014-03-22 ، الوقت: 10:57:59
  • تقييم المقالة:

.. " جاوبي بقى " ..
.............................

يا نِجمه مخلوقه بروحين
ولكل روح ارض وسما
مع أي روح ، ممكن نعيش
ذي النجوم ، مليون سنه ؟
نسكن مدار ، مليان نهار
من غير ما نُعبد ضعفنا
من غير ما نشحت مـ النهار
حبّة خَضار مليان ضنا
مع أي روح ، قولي بقى
مع أي روح ، ننسى الشقا 
بتقولي ايه ؟! .. مش ذنبنا
ولا حتى ضعف فـ حُبنا
ولا ذنب حلم بيتولد
ساعة الميلاد شِرب الخِدع
مهما حاولنا هننخِدع
أصل انتي واخده عـ اللوع
لو مَرّة يغْرينا الكلام
الدنيا تسقينا الطمع
وانْ مَرّة حبّينا السُّكات
نشرب سُكات مليان جزع
دِلّينا يا ست البنات
لو حتى وشوشتي الودع
مع أي روح ممكن نعيش
من غير ما ينهشنا الوجع
نفسي اسألك نفس السؤال
وكمان سؤال جوّه السؤال
ايه اللي ممكن تعمِليه
لو كل روح ماشيه فـ مجال
لو كل روح ، من حظّنا
قالت انا ، من غير وصال
مين اللي حُبّه هينفعك
لو حتى كان اسمك دلال
يا نِجمه مخلوقه بروحين
ولكل روح مليون خيال
جاوبي بقه ، امتى الامل
قبل الممات يبقى احتمال

.................................
.. " عمرو المليجي " ..
مصـــــــــر 17/3/2014


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق