]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

تصحيح مسار

بواسطة: مصطفى منصور  |  بتاريخ: 2014-03-20 ، الوقت: 16:02:21
  • تقييم المقالة:

فى يوم من الأيام الثورة كانت حلم حلمناه

كان فيه اللى بيقول دى أوهام وياريتها تتحقق يا ولداه

ناس عايشة فى عذاب وألام وناس عايشة فى القصور والجاه

الحلم إتحقق صحى الضمير اللى نام حصل اللى كنا بنتمناه

وقلنا هنتحرر من سنين الظلام وشعارنا كان حرية ومساواة

لكن كل ده لسه أحلام لإن طريق الثورة مشينا فيه عكس الإتجاه

صبح الهدف خاص بعد ما كان عام وفى طمع السلطة والكرسى الكل تاه

كل شوية نشوف عاجل وترقبوا الخبر الهام ونشرة الأخبار من مأساة لمأساة

نسيوا الشباب اللى بالثورة قام وكل واحد بقى يتكلم على هواه

كبر جوانا دافع الإنتقام والنتيجة كانت ما لا يحمد عقباه

والكل بقى همه زيادة الأرقام عشان بس يلفت الإنتباه

لأ. مش ده اللى إحنا عايزينو و كفاية بقى انهيار

مش ده الشعب اللى إحنا عارفينو ولا ده الشعب اللى ثار

ولا ده اللى كنا فاكرينو للظلم هيهدم أسوار

معقولة اللى إحنا عايشينو نحس جوانا بإنكسار

اللى إحنا عارفينهم ثوار أحرار قالوا هنكمل المشوار

لازم نخرج من الضيق ونصحح المسار

إحنا مشينا غلط فى الطريق ولازم ناخد أقرب دوران

اللى من تانى يرجعنا كلنا إيد واحدة فى الميدان

وحب واحد يجمعنا زى اللى كان بينا زمان

والدنيا كلها تسمعنا فى صوت جرس الكنيسة ويا الأذان

ساعتها القصة يبقى لها معنى ومصر تكون لوحة جميلة فيها كل الألوان

كلمات: مصطفى منصور


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق