]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

القلم ... حمادة تمام

بواسطة: حمادة تمام  |  بتاريخ: 2014-03-20 ، الوقت: 10:33:31
  • تقييم المقالة:

 

 

 

 

 

رفض القلم اي اتفاق

حتى الخناق

شكلي ماليش عندو اهتمام

فبلاش نهلفط  ف  الكلام

قالي حتكتب ايه يا شيخ

هوا انت تفهم في الطبيخ

ولا الصريخ ساعة الخصام

هي مظاهره والسلام

اوعى تكون صاحيه المدام

روح خش نام

قالي حتكتب ع الرئيس

ولا العساكر والبوليس

ملعون ابو شكل الدولار

قتل الجنيه اصلو خسيس

مش هو دا شكل البلد

نفسي السعاده تتولد

واكتب واحاول ف الحروف

آه  م الظروف

هاتو قلم غير القلم

يمكن يكون دمو  خفيف

يمكن يزوق ف الكلام

يمكن نصدق او ننام

يمكن يقول عندي حرير

او يرسم النوم ع السرير

 او يشفي ضهري اللي اتخرم

آه م القلم اصلو عنيد

كل اما بسكتلو  يزيد

هو انت حقنه ف الوريد

مش عاجبو قال حال البلد

ولا عراك  عبد الصمد

قالها صريحه وما اختشا

قبل اما تكتب ف الورق

متشم ريحتك م العرق

عاملي فيها واد صميم

هو انت توفيق الحكيم

بطل تشخبط  ع الحيطان

متعبتش انت من زمان

بعد اما بهدلني القلم

قلت اما انام تحت العلم

يمكن يقولوا محترم

  

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق