]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

حكومه عفاريت

بواسطة: أحمد دراج  |  بتاريخ: 2014-03-17 ، الوقت: 01:02:57
  • تقييم المقالة:
الحكومة المصريه هى الحكومة الوحيده على مستوى العالم إلى بتعرف تجيب الجنيه من عين العفريت ... والعفاريت كتير لكن أهم عفريت مطلع عين الحكومة هو الشباب وإلى طلابتهم مبتخلصش وحياتهم كلها أحلام ومش بيعملوا حاجة غير أنهم يشتكوا من أحوالهم ... لكن الحكومة كتر خيرها بعد ما قضت على سلبيتهم وعلى احلامهم كمان مفضلش ليهم غير حلم واحد يتيم وهو الوظيفة الحكوميه وإلى بيضغطوا بيه على الحكومة وبيدعوا أن الحكومة مقصرة فى حقهم لانها مش قادرة توفر لهم وظائف ... ده بعد ما القطاع الخاص وإلى كان أمل الشباب فلس أو مفلسش!!! أدينا بنسمع لكن مفيش حد عارف حاجة , المهم انه باع وأشرتى فى الشباب زى ما يحب وكمان مرتباته بقت ملاليم مقارنة بمرتبات الحكومة ... وده حصل بعد ما الحكومة قررت زياده المرتبات وتطبيق الحد الادنى لأجور 6 مليون موظف حكومى ونسيت أن فى حوالى 20 مليون موظف بالقطاع الخاص مش لاقيين ياكلوا ... المهم عشان مطولش على حضراتكم أجتمعت الحكومة عشان تقرر أزاى هتجيب فلوس الزيادة إلى أقرتها لموظفيها وخصوصا أن ميزانية الدوله يادوب مغطية الدعم على السلع الاساسية ومع اول نفخة الغطا ممكن يطير ... فأقترح أحد الوزراء الافاضل أن مفيش أحسن من النظام المتبع من سنين فى مثل هذه الظروف وهو أن الحكومة تنزل اعلانات بالجرايد لحاجتها لموظفين جدد وبكده هتقدر تخاطب وتداعب أحلام 20 مليون شاب عاملين بالقطاع الخاص ومش طايقينه ... دا بالاضافة لحوالى 20 مليون زيهم قاعدين على القهاوى ومش طايقين نفسهم ... وكده الحكومة تضرب عصفورين بحجر ... العصفور الاول أن إعلانات الوظائف هتثبت بيها أمام الراى العام أنها حكومة شغالة وبتحاول توفر فرص عمل للشباب الغلبان ... طيب والعصفور الثانى هو أن الحكومة هتغطى عجز ميزانيتها وهتلم فلوس زيادة المرتبات بالاضافة لمرتبات الموظفين الجدد وإلى عددهم لن يتعدى عده الاف ... حد هيسأل وده هيحصل إزاى؟! ... أقول لحضراتكم إزاى ... طبعا الاربعين مليون شاب عشان يقدموا فى الوظايف لازم يكون بأوراق رسميه والاوراق الرسميه عند الحكومة يعنى خد عندك فيش جنائى وشهادات ودمغة وفى النهاية كل ده يتبعت عن طريق البريد ...طبعا كل ده بفلوس وكل الفلوس دى مسواها الاخير خزينه الحكومة ... يعنى لو كل شاب صرف على الاوراق دى 20 جنيه ( وده أقل بكتير من الواقع )فى النهايه هيدخل خزينة الحكومة 800 مليون جنيه وده فرضا لان المبلغ أكبر من كدة بكتير ... بكده الحكومة جابت فلوس زياده المرتبات وكمان مرتبات الموظفين الجدد ده بالاضافة لقرشين يتشالوا على جنب للازمات وكل ده على حساب 40 مليون شاب مش بيعملوا حاجة غير أنهم بيحلموا ... يبقى بالزمة دى مش تبقى حكومة عفاريت ولاد عفاريت وبيقدروا يجيبوا الجنيه من عين العفريت ولا لا ؟!! ... أنا هسيب الحكم لحضراتكم .......... وشكراً ( أحمد دراج )
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق