]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

من أجل المجتمع المدني

بواسطة: Mhmd Abd Elkreem  |  بتاريخ: 2014-03-14 ، الوقت: 03:47:04
  • تقييم المقالة:

ليه واحدة زي هبة السويدي معملتش حزب سياسي ... بما إنها سيدة أعمال و رجال الأعمال اللي وقفوا في صف الثورة قليلين جداً ... و الثورة عشان تنجح لازمها بديل سياسي قوي و فعال يقدر يجذب المواطن و يحتويه و يقنعه ببرنامجه و خطابه السياسي و يبقى معاه حائط صد في وش الدولة و يدافع عنه ضد تسلط و تعسف الحكومة و رب العمل ... و أي بديل سياسي عشان ينجح و يبقى قوي و فعال و منتظم ؛ محتاج تمويل و دعم مالي و دي حاجة طبيعية جداً ع الأقل عشان يعرف يصرف على حملته الإنتخابية و على الغلابة اللي هيطحنوا نفسهم شغل عشانه ... عندنا بدايل كتيرة و نخب مدنية كويسة بس تياراتهم السياسية ضعيفة جداً بسبب غياب عنصر التمويل ده ...  

 

///////   الحقيقة إن الدولة مبتبقاش قلقانة على مصروفات الإستفتاءات و الإنتخابات على قد ما بيبقى ( ذراعها القضائي ) سعيد إن دي سبوبة حلوة لقضاة و مستشاري اللجنة العليا للإنتخابات و فروعها و لو فيه طعون بتبقى المصلحة حلوة لقضاة مجلس الدولة و المحاكم الإدارية .. و أعتقد إنهم بيقلبوا نص الميزانية المطروحة على العملية كلها ..

////////


«المركزي للمحاسبات»: الجهاز رصد 200مليار جنيه قيمة الفساد المالي في العام الماضي
...
دي المخالفات المالية الغير مقننة و مش كلها ... أمال مخالفات الأمر المباشر و سرقة الموازنة العامة باللوائح و ضم الأراضي و توزيعها بالعقود و مخالفات سرقة الدعم ( المخالفات المقننة ) هتبقى كام ....

 

  ////// ممالك الخليج و شركاتها بالذات اللي بتحتل مراكز مش بطالة في تصنيفات الشفافية و معدلات الفساد و نهب الثروة و المال العام ( أقل مننا في كل الأحوال ) مبتحطش قرش كقرض ولا وديعة إلا وهيا عارفة كم الأرباح اللي ممكن تحققها من التسهيلات الإستثمارية المستقبلية ... يعني حوارات بيع أراضي توشكى و غيرها و شركة الخرافي و الوليد إبن طلال و المتر ب 50 ج راجعة تاني و بقوة ... و البركة في عدلي منصور و الحكومة و وزارة الإسكان و القوات المسلحة ( اللي واخدة الأراضي وضع يد و بتتصرف فيها بمزاجها و بتتربح منها لواحدها ) و عقود الأمر المباشر ...

 

    ////// 8 قرى في الدقهلية تعلن العصيان المدني ضد الحكومة لعدم توافر المرافق الاساسية بالقرى
عااش ... فين المعارضة بقى .. فين بيانات التضامن .. فين نخب القوى الثورية .. فين التلاحم مع الأهالي و ضمهم و التفاعل مع مطالبهم .. ؟؟!
دي معركة ثورية و إنتخابية أضمن بكتير من النزول في مسيرة أو مظاهرة أو إشتباك مع الداخلية .. معارك خسايرها مضمونة بنسبة 100 % و ملهاش مكاسب أصلاً ...
لو متحركناش دلوقتي هنتحرك إمتى ؟؟!

//////

 

ليه مثلاً ( الحزب أو الحركة الفلانية و ليكن الدستور أو غد الثورة ) لما ممثليهم و قياداتهم و أعضائهم ييجوا يحضروا فاعلية للعمال أو موظفين ( إضراب أو إعتصام أو عصيان مدني الخ) مثلا ميوزعوش على المعتصمين او المضربين كارنيهات عضوية للحزب و بيانات باهداف الحزب وقت التضامن و وعود بالضم للجان شعبية تابعه للحزب و مواعيد حضور للجان التثقيفية ... فيها إيه يعني ... أمال إنتا هتبني بديلك السياسي إزاي ؟! ... و حتى لو الحكومة لبت جزء من مطالبهم إنتا المفروض تفضل مع الناس و تنسق معاهم و تعبترهم من شباب الحزب و أعضائه ...


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق