]]>
خواطر :
لا تلزم نفسك بأمر أو فعل لا تقدر عليه ، وكن واقعيا في أمور تخصك حتى يهنأ بالك   (إزدهار) . 

.. " شِلّه نشّاله " ..

بواسطة: عمرو ابراهيم سيد أحمد مليجي  |  بتاريخ: 2014-03-12 ، الوقت: 01:50:59
  • تقييم المقالة:

.. "  شِلّه نشّاله " ..

........................

مش قادر اتكلم .. ولْساني مِتلجّم

والرقص عـ السلم .. صوتي كمان مخنوق

من شلّه نشّاله .. في الليله دلّاله

والقصد مُحتاله .. حرقوا الكلام في السوق

لو حتى هتكلم .. او لسّه هتعلم

من قلبي يا مْعلم .. نُص الكلام مسلوق

قولت اشتري حالي .. لو حتى مِن مالي

 والباقي يحلا لي .. لو حتى كان مسروق

سلّمت عـ البيّاع .. قال لي الكلام مش ضاع

 بس القلم لو باع .. متعبش فـ المحروق

أصل الكلام إحساس .. ساكن قلوب الناس

والفِكْر لو ينداس .. يبقى الضمير مشنوق

بسْألْكوا فين حلْمي .. ولّا انْكِوي بحلْمي

 وادّارى في همّي .. يمكن أكون محقوق

انا حتى لو غلطان .. نفسي الحقيقه تبان

وبكلمه مـ السلطان .. كل القلوب هتروق

وان كان كلامي عدم .. وتقولوا عني بجم

يبقى الكلام للألم .. والكل منه يدوق

..............................

.. " عمرو المليجي " ..  

مصــــــر 10/3/2014


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق