]]>
خواطر :
شُوهد كلب (أكرمكم الله)، في فصل البرد يلهثُ... تعجبت منه البهائمُ، كيف يكون الحال في فصل الحرُ...أجاب الكلب، لذلك الحال أنا من الآن أتهيأ...   (بلقسام حمدان العربي الإدريسي) . 

منديل معطر

بواسطة: مريم كرم  |  بتاريخ: 2014-03-02 ، الوقت: 16:01:22
  • تقييم المقالة:

عشرين سنة

كل سنة 

زى النهاردة انده عليكى 

اشوف صحابى بالهدايا فرحنين 

اسال عنيكى 

انت فين 

لية انا 

عشرين هدية محبوسين 

ف قلبى ليكى 

ليه انا مجريش وانط 

زى غيرى من العيال

ومعايا وردة م السما 

حالف م ايد تلمسها غيرك

متقوليلى اطلع لعندك اديهالك 

ولا بعد شوق طويل 

تيجى هنا 

وحياتى عندك لتزورينى 

نوبة واحدة 

ابوس جبينك

ولا حتى المس اديكى 

ومتساليش ليه 

السنادى ذاد حنينى 

حضنك وحشنى وغصب عنى 

الصبر فاتنى 

وبلاش ببكرة توعدينى 

افضل كتيييير 

مستنى بكرة 

اتارى امبارح غاوينى 

جه بدرى بعدك 

ملحقتش جوة عينى 

احفظ ملامحك 

فضلت ادور عن روايحك 

ف الجيران وف القرايب 

فين خبيتى فستانك 

فين منديلك الوردى 

ولمين اديتى كردانك 

طب قوليلى 

هو صوتك زى صوتى 

لو حبيت اسمع نداكى 

انده عليكى 

على قد عقلى هاودينى 

نفسك ف ايه 

المرادى اجيبه 

منديل معطر 

جبتهولك وكتبت عليه 

وحشتينى 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق