]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

.. " سجن بلا ابواب " ..

بواسطة: عمرو ابراهيم سيد أحمد مليجي  |  بتاريخ: 2014-02-28 ، الوقت: 20:20:17
  • تقييم المقالة:

.. " سجن بلا ابواب " ..
................................

ساكن ساكت جوه سكاتك
قاعد بتعزّي فـ امواتك
مستنيها تبقى خراب
شايل طاجن ستك ليه
وانت فـ ايدك تبقى البيه
لو بتحاول تفتح باب
افرض يوم انك مسجون
وان السجن ملوش ابواب
وانك تقدر تهرب منه
وانت وقلبك تبقو صحاب
ليه تتلفت حوالين منك
ليه تتمسّح فـ البوّاب
خايف تُخرج للمجهول
وان يقولوا عليك مهبول
ولّا بتاخد بالاسباب  
جرّب يوم تتغطى بصوتك
واطلب حقك لو فيها موتك
من غير زيطه ولا اضراب  
اصرخ مرة وثور على نفسك
يمكن تلقى الحظ يخصّك
عُمْر الموت ما يخبّي حساب
واعمل ثورة على الاوجاع
تحفظ قلبك لو يوم ضاع
وترجّعلك حلم وغاب
بس تخلّي فـ بالك حاجة
انّك حاجة
وانك واحد مش هرّاب
اصل السجن ما هوش اسوار
ولا أسلاك ، ولا حتى جدار
بسّ يا ويلك يبقى سراب
خوفك .. سِجنك
يفضل سَجنك
لو بتصلي في المحراب
وافرض ان الخوف جواك
عامل عَقد وماضي معاك
افسخ عقده
واخلف وعده
واوعى تخلّي ما بينكو عتاب
لكن لو هتصاحب خوفك
غصب عنّك ولّا بكيفك
يبقى يا ويلك مـ البواب

................................
.. " عمرو المليجي " ..
مصــــــــر 28/2/2014


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق