]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

فرعونك العندى

بواسطة: مريم كرم  |  بتاريخ: 2014-02-26 ، الوقت: 00:45:01
  • تقييم المقالة:

ابوس راسك وابوس عينك 

واقولك اندهى يا اما 

وانا اجيلك 

اقول حاضر و 100 حاضر 

عشان خاطرك 

مزهقتش ولا خنتك ولا اقدر 

اشوفك تندهى قلبى ولا يردش 

اقول حاضر عشان دمعك 

وكسرة قلبك الغالى على ابنك 

واقولك 

واللة لو مات لك شهيد واحد 

ادينا جينا وف ضهرك 

لا تخافى ولا تانى ولا تقولى 

ان ابنى مات 

عايش وف سما ربه بيدعيلك 

انا جندى  انا جيكا وانا سالم 

انا حسينى انا مايكل وانا مينا 

انا شافعى انا مبروك وانا مريم 

انا لعيونك الحلوه 

ربيع اخضر اذا مرة 

خريفك طال 

اوعى تخافى من مللى 

انا فرعونك العندى 

اللى باله طويل 

تعدى عليكى 

كااااااااام محنة 

ونكسرها 

انا ابن النيل 

ابن الحارة والشارع 

انا من طميك الاسمر 

واول حاجة 

والاخر 

انا سندك اذا زمنك 

عليكى يميل 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق