]]>
خواطر :
رأيت من وراء الأطلال دموع التاريخ ... سألته ، ما أباك يا تاريخ...أهو الماضي البعيد...أم الحاضر الكئيب...أو المستقبل المجهول....   (بلقسام حمدان العربي الإدريسي) . 

.. " بين الرحايه وطن " ..

بواسطة: عمرو ابراهيم سيد أحمد مليجي  |  بتاريخ: 2014-02-21 ، الوقت: 00:18:58
  • تقييم المقالة:

.. " بين الرحايه وطن " ..

...................................

بين الرحايه وطن

والكدب من غير باب

لو حَب يوم يسترك

يكْسر لك الابواب

اصل البِعيد من زمن

بيْفرّق الاصحاب

عمره ما شاف بلوته

ولا عُمر صاحبه تاب

يا اللي فـ قلوبكم وهَن

القلب مش سبّاب

بتْسبّوا ليه الوطن

هوه انتو مش احباب

تاكلوا على فرشته

وبْتلعنوه فـ كتاب

وتْشرّبوه دمعته

وتقولوا انه عتاب

لو تحرقوه بالفتن

هتْدمّروا الانساب

فاكرين زمان .. العدو

ابن اللئيم كداب

مرت سنين ، ينتظر

عـ الجنّه تبقى خراب

زرع الضغاين شجر

طرحت دمار وعذاب

وامّا التقانا غجر

وزّع علينا سراب

علشان يسوق البقر

بالجزمه والقبقاب

هوه انتوا ليه يا بشر

بتْشمّتوا الاغراب

دا الكلمه منهم خطر

واللي احتمابهم خاب

ساعدوا الوطن يرتاح

واعتمدوا عـ الوهاب

لو كان ضميركم حي

هيسبب الاسباب

وساعتها تلقى الوطن

فوق المحن غلّاب

................................

.. " عمرو المليجي " ..

مصــــــــر 20/2/2014

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق