]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

قصيدة الكلب ركس

بواسطة: ياسر شرف  |  بتاريخ: 2014-02-13 ، الوقت: 04:10:48
  • تقييم المقالة:
قصيدة الكلب ركس ===========

ياللى تحافظوا على الحيوان          وديتو فين حقوق الانسان

اصفر ولولو وشعره جميل            كانيش ودوبر والبلدى اصيل

وجباته جاهزة وديلفرى               واللى يشوفه يكذبنى

شامبو وشاور يا جمال امه           والمحترم حاله يغمه

صوته كمانجة لما يهوهو              لحن ونغم وغيره يصوصو

ولو مرة حس بغصة فى زور          قوام يزوره الدكتور

سريره مفروش بريش نعام            تقعد عليه وتحب تنام

مواعيده ثابتة فى الفسحات            ويمشى بقلاطة مش ابن ذوات

ينادوه يقولوا تعالى يا كلب             ولقبه هو ابن الكلب

والعظم طازة من الجزار                فلتو وبيكاته والعقل احتار

والحلو فاكهة وام على                  او حتى تورتة بالجمبرى

فى عيد ميلاده هداياه بتزيبد            ويكيد حساده والكل سعيد

وذاكرته حاضرة ومحفوظة             طبعا ده ابن المحظوظو

ويقولوا هى حقوق حيوان              ويجى له داهية لو كان انسان

تمييز ودايم للطبقات                      من كل جنس او حتى صفات

وتلاقى عيل فى شوارع                  سايبينه يبقى لقيط ضايع

ولو يعيط ويهوهو                         تلاقى دى بطنه بتصوصو

ونقول عدالة اجتماعية                   او حتى بامية وملوخية

دى النفس نفس بشرية                   عايزة كرامة وحنية

والرحمة حلوة فى المساواة             والعدل يبقى لخلق الله   

   مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق