]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

.. " مُفْلس يا اهل المحروسه " ..

بواسطة: عمرو ابراهيم سيد أحمد مليجي  |  بتاريخ: 2014-02-10 ، الوقت: 23:54:42
  • تقييم المقالة:

.. " مُفْلس يا اهل المحروسه " ..

..........................................

مُفْلس يا اهل المحروسه ، مُفْلس ومش لاقي عروسه

ادّارى فيها وتسترني ، لو حتى كانت مفعوصة

مُفْلس وعايش مِتْغمّي ، ولا حَد سائل عنْ امي

وحَياتي كِدْبه واحلامي ، شبه الوعود الملحوسه

انا كنت ساكن في سكاتي ، والشغل عاطل ، ويوماتي

أمنّي نفسي بكام هانت ، من غير مَعارف ولا كوسه

فجأه ، وقادت فـ سمايا ، فكره ، وكبرت جوايا

انسان وعايز يتأهل ، من غير ما يسرق كام بوسه

انا قولت اسقّف للسلطان ، نجم اللي حافظ عـ الاديان

يمكن يشوفني وينصفني ، ويجوّز المُفْلس بُوْصَة

لكن اللي واخد عـ النسيان ، يغْرِف ويكْبش فـ الكتمان
 
لو حتى كانت دنانيره ، جوّه المخازن مَرْصوصه

ملقتش غِير ان اتهبب ، واتمشى ذيّ المِتْشبْشِب

انْدَه بصوتي الحيّاني ، مُفْلس يا اهل المحروسه

مُفلس وعايش اوجاعه ، مَرَهنْشي حَظّه ولا باعه

لكن اللي مِتْحَني بفقره ،  ما يلاقي حتى المنحوسه

وحْياة ابوكم ساعدوني ، ألاقي حظّ اللي جابوني

وتقولوا حاجه تريّحني ، لو حتى كلمه فـ قصقوصه

ما انا اصلي واحد فـ الليله ، وجدودي مِن اصل العيله

لو كانت الدنيا نهيبه ، انا مش هسامح في ناموسه

.................................
.. " عمرو المليجي " ..
مصــــــــر  11/2/2014


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق