]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

شاركنى التغير

بواسطة: yousra abo hussien  |  بتاريخ: 2014-02-09 ، الوقت: 08:02:22
  • تقييم المقالة:

حاجات فى حياتى قررت ان لازم أغيرها  

1- مش هفكر فى أى حاجة ممكن تضايقنى

2- مش هسيب فرصة لأى طاقة سلبية تتملك منى

3- مش هزعل من أى حد مهما عمل فيا و هسامحه

4- مش هاجى على نفسى علشان خاطر أى حد مبيجيش على نفسه علشانى

5- هود قرايبى أكتر من كدة شوية

6- مش حهتم بالموبايل و الفيس بوك بشكل مبالغ فيه

7- مش هزعل ربنا منى على قد مقدر

8- مش حهتم كتير بالتفاصيل اللى وارد معرفتى بيها تضايقنى

9- هرتب أفكارى واسحب نفسى من أى حاجة فى حياتى مبتعودش عليا بفايدة

10- هعزز وأوطد علاقتى بربنا وأحرص على الأوراد والإستغفار

11- مش هدايق أهلى منى

12-هبتسم طول الوقت لنفسى و لغيرى

13- هفرح كل الناس اللى حواليه اللى يستاهلوا

14- حهتم بالموسيقى وبعزف العود أكتر من كدة

15-هظبط وقتى وأصحى بدرى وأهتم بصحتى وشكلى

16- مش هفوت يوم مقراش أو مكتبش فيه ولو صفحة واحدة

17- مش حاجى على حد أبدا

18- هبطل أفكر فى الحاجات اللى بتوترنى وهسيبها على ربنا

19- هساعد أى حد يكون محتاج لمساعدة أنا أقدر عليها

20-هعود لسانى على كل الكلام الحلو والإيجابى

21- هبعد عن أى حد بيسئ ليا بكلام أو أفعال أو إسلوب

22- هسمع أكتر ما أتكلم

23- فى النهاية حلون حياتى بأيدى أنا لواحدى  , ومش هعتمد على حد يسندنى أو يساعدنى غير ربنا , وهعود نفسى من اللحظة دى لا أتوقع ولا أستنى حاجة من حد 

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق