]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

وطني الحبيب شكرا لحسن النفخ

بواسطة: Mohamed E. Brkat  |  بتاريخ: 2014-01-26 ، الوقت: 19:54:46
  • تقييم المقالة:

تصحى على صوت ستات بتقهقه في الشارع وأطفال بتشتم بعضها بالأب والأم .تفتح باب الأوضة تلاقي معالي سيادة الجزيرة وهاتك يا ضرب واشي محلل سياسي واشي مذيع بتنجاني ومستشار بطيخي واهو كله بيقبض ويحلل فلوسه في حياة الناس .المهم تدخل الحمام تلاقي المية قاطعة تيجي تشغل الماتور بالصلاة عالنبي دا معاد قطع الكهربا طب الحمد لله طب وبالنسبة للعصافير ايه أخبارها مع الهدوم طبعا خاتمة اسمها يلا هنتكسي ناكل اي لقمة ونلحق نلبس نروح الشغل على بركة الله. تركب العربية كأنك راكب حنتور والله تنزل مدغدغ جسديا من المطبات ونفسيا من اللي سمعته ايشي واحد هاتك ياسب في الأخوان وواحد تاني اللهم أرنا في السيسي ومن أيده عجائب قدرتك والستات ايه كل واحدة مسكه ودن التانيه وهاتك يارغي (شوفتي ياختي عمل فيها ايه بعد ما أخدها لحم رماها هيا وعيالها عضم.....واشياء كتير من هذا القبيل) تنزل دماغك مورمة..اما الشغل بقى يسلااااااااااام دا عالم من المشاكل لازم ترزع خناقة 2,3 كل يوم ياما مع أشخاص ملهاش أي تلاتين لازمة شغلتها اللت والعجن زي التعابين بالضبط ياما مع مريض تقعد تفهم فيه سنتين وفي الأخر يشتمك انت وانت ملكش أي ذنب بس أهو لازم يفرغ ما هو أصله معذور.وهكذا تفضل تعافر لحد ما انصرافك يحين وقته وانت بتجري تلحق المواصلات اركب ياباشا الأجرة 2 جنيه يا جماعة واللي مش عاجبه ينزل .طبعا طالع عينك ومفيش اي دماغ للجدال أو الخناق اطلع ياسطى وهكذا نعيد القصة اللي فاتت بس المرة دي بقى بتسمع وانت بتسقط من التعب فا مش فارقة المهم تروح تاكل لقمة وتفتح الفيس وهنا عالم تاني هو أهل مصر وحالها اللي اصبح لا يسر عدو ولا حبيب (يسقط حكم العسكر ....تسلم الأيادي )....(رابعة ......ملعون أبو رابعة على الأخوان) .....(اتق الله....ممكن نتعرف .)......(يارب محتجلك .....صافينار)...إلخ إلخ.
اللي فات دا بقى كوم واللي جاي كووم تاني :
تيجي بقى تحاسب نفسك في أخر الشهر تلاقيك سالف ضعف مرتبك من أهلك .طب هتفتح بيت ازاي طب لوعديناها ادامك حل من الأتنين في الأختيار يإما بنات شمال ومفرفشين ودول مفيش أكتر منهم ...بس انت كدا بتربي من جديد واذا عرفت تربي كمان ...يإما بنات محترمة ودول محتاجين قنبلة عشان تفك عقدهم طب لو عدينا النقطة دي كمان ....تتحمل مسؤلية واحدة ازاي في مجتمع وقح بالمنظر ده ....ولوعديناها وربنا رزقك بمولود تربيه ازاي في بيئة بالمنظر دا أهو دا اللي لا يمكن تعديه عارف ليه لأنك هتعيد نفس المأساة السابقة ...وشكرا وطني الحبيب لحسن النفخ .
ملحوظة : هذه المشاكل السابقة تتحدث عن مسئلة أخلاقية أما عن صعوبات الحياة ومشاكلها في حياة الشباب فهي أكبر بألاف المرات وبرده شكرا وطني الحبيب لحسن النفخ ..الله هو وطني دا مش هيحس بقى ولا أيه.


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق