]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

.. " يا ايها ألفُلان " ..

بواسطة: عمرو ابراهيم سيد أحمد مليجي  |  بتاريخ: 2014-01-25 ، الوقت: 23:14:56
  • تقييم المقالة:

.. " يا ايها ألفُلان " .. 
........................ 

 

ارهاب وطافح من عينيك

يا ابن الغجر ، قلبك حجر

ملعون ابوك

لو حتى كنت انت الذي

او حتى فـ اديك المطر

طول عمري عايش فـ المكان

بين القرايب ، والحبايب 

والجيران 

بين المزارع ، والشجر 

وسط الغيطان 

وان خُفت بحضن عزوتي  

واشرب امان 

واتدفى في حضن البشر 

من غير حيطان

عارف حقيقتك يا غبي  

ندل ، وجبان

علشان كده يا ابن الغجر

بيصنّفوك بين البشر 

ذيّ الفُلان

الكدب فـ اديك اليمين

طول السنين

سبحه تسبّح للزمان

والخيبه فـ اديك الشمال

عامله احتفال

وكأنّك انت المَرْزُبان

ترمي الشبك ، وسط البِرَك

قال يعني هتصيد السمك  

وتْـ أكِّل المِحتاج حَنك

وانت اللي خِيرك للشيطان

علشان كده يا ابن الغجر

بيصنّفوك بين البشر 

ذيّ الفُلان

تمانين سنة تعجن عجين 

وتضيعوا ذي الحَزين 

وتعيب على كل البشر

وانت اللي عقلك من حجر 

شايل على اكتافك اديم 

ذي البهيم 

لو شيّلوك حِمْل الجِمال

او نيّموك وِسْط البِغال 

بتقول نَعَم ، ذي البَجم 

من غير ما تعرف خطوتك 

جايّه منين

ولا سِكِّتك ، رايحه لفين  

شكلك مُهان 

علشان كده يا ابن الغجر

بيصنّفوك بين البشر 

ذيّ الفُلان

بَعد الفشل ، هدِّيك أمَل 

بس انت حاول يا زُحل 

تِمْحي اللي كان 

اكتب على جبينك خطر  

واتمشى بين كل البقر 

لو بعدوا عنّك او سابوك

من غير ضمان

يمكن تعيش تاني نفر 

وتعيش ساعتها تفتخر

بين البشر 

إنّك فُلان 

..........................
.. " عمرو المليجي " ..
مصــــــر 25/1/2014

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق