]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

قصيدة أبو الشهيد

بواسطة: الشاعر محمد عبدالله طاهر  |  بتاريخ: 2014-01-16 ، الوقت: 18:51:01
  • تقييم المقالة:

 

 

 

 

قصيدة أبو الشهيد

دفنت قلبى يا ضنايا معاك..........................و مش مصدق لسة بستناك

قالولى مات روحت دفنتك بايدى.............مش قادر اصدق ازاى طاوعتنى ايدى

ما كنتش قادر اسيبك لوحدك................بس اعمل ايه ده امر ربى و ربك

استغفرت رب العباد و دعيتلك...............بس فراقك صعب اوى عليا

ده انت يا نن عيني كل اللى ليا............و كنت كل حاجة ليا فى الدنيا دية

ربنا يصبرنى على فراقك و يصبر .............امك على بعادك
و يعوضك عن اللى فاتك....................... بجنة احسن من حياتك
و انا هاعيش على ذكرياتك ...................و هاستنى ذكرىمماتك
عملت لك كل حاجة حلوة ....................كل حاجة طلبتها منى
الا الموت ده مش بايدى........................و الله يا ابنى غظب عنى
دى حكمة ربنا يا بنى ...........................و انا راضى باللى صابك و صابنى
ربنا يصبرنى و يصبر امك......................... ده كان نفسها فى فرحك تضمك
هنعيش بقية حياتنا ندعيلك....................و انشاء الله فى الآخرةهنجيلك
اوعى تفتكر انك عنى بعيد ....................ده انت ساكن جوةدمى و جوة الوريد
لسة فاكر صوتك و انت ................بتودعنى قلت لازم انزل هنسيبها لمين يعنى

و سيبتك نزلت..............................لقضرك اللى وجعنى
لسة حاسس ايدك اللى ...................بتطبطب عليا انا و امك
و دقة الباب لما تخبط .......................و تفتحلك امك
و تنزل البوسة على........................ خدى و خد امك
وخدى يبئى لونه وردى ....................و الفرحة تبئى مالية امك
لسة فاكر يوم ما دخلت ...............الجامعه يومها نزلت من عينى الدمعة
و شكرت ربى انى عشت .............و شوفتك فى الجامعه
ما كنتش اعرف ان انت .................اللى هتموت قبلى
........................  و هتتحجر فى عينى الدمعة........................
لسة فاكر اول يوم فى................. المدرسة لما باستك و حضنتك المدرسة
و قالت تبارك الله فيما خلق..............اصل انت كنت زى القمر
و فراقك على بالى......................... عمره ما خطر 
حامد و شاكر للقدر..........................و انشاء الله تروح مكانك المنتظر
الحاجة اللى كان نفسى................... فيها و ما شوفتهاش
و كانت امل امك اللى ما جاش............نشوفك فى بيتك مع عروستك
و نيجى نبارك لك و امك تضمك...........بس خلاص ما فيش حاجة فى ايدينا
و شهادتك بئت .............................اجمل حاجة عاشة فينا
بادعيك يا رب تصبر قلوبنا ................و تزود رحمتك بينا
عشان نعرف ننام ليالينا .................و الغالى مش موجود و سطينا
الله يرحمك يا ابنى باقولها .................و الدم بيغلى فى قلبى
انا نفسى ابرد دمى .........................بس ازاى و الشهيد اللى مات هو ابنى
لازم تجبوللى حقى...................... و لو ما جاش انا خلاص احتسبته عند ربى
                              الله يرحمك يا ابنى


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق