]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

شعر شعبي عراقي صور من العراق (( على كل باب جامع ))

بواسطة: باقر العقابي  |  بتاريخ: 2014-01-16 ، الوقت: 15:34:52
  • تقييم المقالة:

صور من العراق  (( على كل باب جامع  ))

 

على كل باب جامع دكوا اعلان    اليريد الصلاة خلة يتعله

يعلنها البراءة لا للارهاب   بعد لا للقتل ليخون اهله

تبا للفساد الكلمن يبوك   الجوامع ترفض اللي مثله صله

وصلنه الباب ماشفنه الكتابه   ماكو اعلان مامكتوبة جمله

طلعت اني بخيالي ارسم اوهام   مسحت اللي رسمته كلت ابدله

اليزرع خيال بدنيا الاحلام        مجنون اليصدك شي يحصله

تعلمنه النريده مانشوفه       اليريدونه غصب لازم نقبله

العنوانين اكثرت المعنى فاشل    اذا كلمن يجي عنوان حطله

من نعطش فرح نشرب شعارات      نقشمر روحنه بيه انتسله

الاسود صار لون النه اساسي     صحبه وياه لاملنه ونمله

يكولون الحزن هم يجي ويروح   شو يمنه  بقه ثابت محله

طاري الموت جان اشكثر ينهاب    هسه انهاب كلشي الموت سهله

صور للموت عدنه اشكال والوان   الدمع منه خلص مابقت وشله

على طاري الصورصارت طبيعه   ياهو اللي يجي صوره لزكله

بالشارع عليمن يجي المسئول   اذا صبح ومسه مكابلنه شكله

مدوخين الشعب محتار بأمره   كل ساعه خبر عاجل يشغله

المسائل عدنة كومة مالهه حلول   ندور محد يجاوب نسأله

ميت بيدنه ومقفوله راسين   يادوشيش هذا اللي ننزلة

بكثر مانسمع اصوات انفجارات   طبكة باب واحدنه تجفله

تجتث البعث مو كافي هذا   اجتث السلوك الفكر كله

يصح واحد الحزب البعث ماشاف   بس بافكاره عفلق ماوصله

صرفنه اهواي عالتسليح والجيش   بزمان اللي انكبر والاجوا مثله

واحنه اكثر شعب عدنه اليموتون   جاوين الخلل ياهو اليعدله

ملينه الحجي ملينه كلشي    ياحاكم يجي يجمعله شله  

تغنيله وترددله الاناشيد   تطكله اصبع تهلهل تدك طبله

وقائد اوحد يصير الضروره    يصدك روحه اعلينه تخبله

يلطش على الكرسي اشلون ينشال    طابو بأسمه مسيطر يسجله

الاخذ طبع النعامه هوايه غلطان   اليفضح روحه الراسه يختله

اخذ طبع الاسد المكابل يصيب   عار البالظهر يطعن وفشله

بعد ما اصدك بكلمن سياسي   علينه براسنه فوك يتعله

بدل مايزرع ابستانه اورود   ماخله ابد موجوده نخله

منريد الشعب يخدم رئيسه   طبع تصفيكنه لازم نبطله

الريس نريده اليخدم الناس   يدل مايبني حزبه يبني دوله

بدل مايبني حزبه يبني دوله

 

 

 

 

 

 

 

 

 

 

 

 

 

  


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق