]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

.. " داري نارك " ..

بواسطة: عمرو ابراهيم سيد أحمد مليجي  |  بتاريخ: 2014-01-04 ، الوقت: 18:19:13
  • تقييم المقالة:

.. " داري نارك " ..

.........................

علمونا فـ المدارس

 يوم ما تنجح تبقى فارس

والصوابع فـ الإدين

ذيّ شمّعه من روحين

لو تشارك فـ الدمار

أو تشارك فـ العَمار

صوت ضميرك يبقى حارس

وان قلبك مِلك ربّك

وان ربك جوه قلبك

والشتا للروح ربيع

والربيع يحضر في مارس

علمونا وفهمونا

بسِّ نسيوا يسلمونا

كام رصاصة لكل دارس

قوللي جبت رصاص منين

وانت معصوب العينين

لو هتحلف ميت يمين

او هتكتب عـ الجبين

إنّ اخلاصَك لربك

مستحيل هتكون أمين

كنت ذي الديب بتسرق

تقتل الاحلام وتحرق

فـ الكنايس والجوامع

والمدارس والمصانع

وتعاديني فـ قلب رابعة

وتراضيني فـ الحُسين 

مستحيل يبقى الربيع

ذيّ شوكه فـ وحدتي

مستحيل تبقى الإيدين

ذي عارك من يومين

نقطة سودة فـ دنيتي

مهما تنهَب او تخرّب

مهما تبعد او تقرّب

مش هسيب كرْهك يضيّع

بالغباوة ثورتي

صيفي نار

والخريف من غير خضار

يبقى كان لازم نكمّل

أو نهلل

قبل ما يطولنا الدمار

شفت نارك يا ابن آوه

جوه قلبك ، بالعداوه

راح توصّلنا لفين

نفسي أتنفس أمان

يبقى زرعه فـ الغيطان

تطرح الحُب اللي ضاع

يحمي قلبي من عينيك

داري نارك ، جوّه دارك

واقفِل الأبواب عليك

يمكن انسى فـ يوم دَمارك

واللي حطمته بـ اديك

علمونا ، وفهمونا

قبل ما نخش الفصول

نرفع الإيد اليمين

وانتباه ، لجْل العلم

تحيا مصر أم الأُصول

تحيا مصر أم الهَرم

..................................

.. " عمرو المليجي " ..

مصــــــــــر 3/1/2013  


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق