]]>
خواطر :
خيبة أمل ، عندما يكتشف الإنسان أنه في محيط تحت خط الصفر ، لا يستطيع الغوص أو السباحة فيه...   (بلقسام حمدان العربي الإدريسي) . فلا تكتُمُنَّ اللهَ ما في نُفوسكم ليَخفَى ومهما يُكتَمِ اللهُ يَعلَمِ يُؤخَّرْ فيُوضَعْ في كتابٍ فيدَّخَرْ ليوم الحسابِ أو يُعَجَّلْ فيُنقَمِ (زهير بن أبي سلمى   (طيف امرأه) . 

قصيدة يا مصر قومى

بواسطة: ياسر شرف  |  بتاريخ: 2014-01-01 ، الوقت: 22:46:43
  • تقييم المقالة:
قصيدة يا مصر قومى ============

يا مصر قومى وانهضى وبايد ولادك نفضى

 تراب تاريخك الأبى وبدم نيلك اغسلى

وشك يا قمرة منورة وخصلات ضفايرك يا جوهرة

توبك يغطى قريب وبعيد وبلمس ايدك فرحة وعيد

وحضنك الدافى يضمنا وانتى الكريمة ياامنا

ارضك ده عرض ومعنى البيت وشمسك دهب بالصبح وليل

مولودة ملكة وسلطانة بجمال الاهى وفتنانا

وعشان كده كتير محسودة ويغيروا منك فى الموضة

مذكورة حتى فى القران وموقع ده معبر لكل مكان

وقصدوكى برده كتير اديان ادريس وموسى وعيسى كمان

بركة وعزة ياسنيورة وحضارة فيها اجمل صورة

وكنتى مطمع برده زمان والبحر فيكى اشكال والوان

ابيض واحمر بالمرجان وقناة توصل لكل مكان

والنيل بيروى شرايينك والحسن بادى على جبينك

وياما مر عليكى عصور كنتى فى ظلمة وخرجتى لنور

وتقومى دايما منصورة على ايد ولادك يا غندورة

هكسوس فى سالف الازمان يونان رومان والفرس كمان

تاريخ دروس عبر وعظات وكتاب يغير فى الصفحات

ورياح عواصف مع كبوات وتعودى اقوى مع الثورات

اسفين يا مصر يا امنا يا شايلة دايما همنا

لازم تعودى وتفرحى بجيش وشرطة وتفخرى

وانتى صحيح ام الدنيا بتفوحى عطر وكولونيا

ملجأ ودايما حصن امان لعرب وفرس وحتى رومان

تلاقى يمنى وكويتى وعراقى سورى وكمان ليبي

وسودانى برده ولبنانى وسعودى برده ويونانى

تحضن صحيح كل الدنيا من شبرا مصر لسكسونيا

 يا مصر قومى وانهضى وبايد ولادك نفضى

نبنى ونعمل ليل ونهار ونقول حقيقى احنا الثوار

فساد وغطى كتير فترات لمصر وخرب فى محافظات

وطبيعى تظهر وطنية تاكل كباب او طعمية

ويكون فى وطنى او خاين وعلى الوشوش بيكون باين

اعداء وطن وكمان حاقدين بيحاربوا جوه وبره كتير

ولا وجبة لازم تبقى كباب ولا نهضة حيوقفها الارهاب

وبتصمدى وتاريخ شاهدين منصورة دايما عالحاقدين

زى ماكنتى بأهرامات وعلماء شيوخ ومسلات

لازم نعيد مصر حضارة وتبقى قمرة ومنارة

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق