]]>
خواطر :
أيتها التكنولوجيا ، لما تصرين على غزونا...أفسدت عنا بساطة عقولنا و معيشتنا... كان الأجدر أن تبقين ما وراء البحارُ...   (بلقسام حمدان العربي الإدريسي) . لا تبخل على غيرك بالمشورة الحقيقية والصادقة رغم همك ، ولا تكن بخيلا فيما يرضي نفسك وغيرك مهما كان الثمن فالحياة متعة بين الجميع والإنسان جميل رغم همه   (إزدهار) . 

مصريتنا أيه مصيرها؟!

بواسطة: yousra abo hussien  |  بتاريخ: 2013-12-25 ، الوقت: 13:35:15
  • تقييم المقالة:

المشكلة بقت مشكلة ثقافات , دماغ تعبانة ومحدودة ورافضة ترتقى , لسة بارده محددين تفكيرنا , هو هو نفس السلوك والنمط الحياتى المتكرر , مش قادرين نتنازل عن عادات وتقاليد "والله غلط" كل مشكلتنا التعود , التعود على حاجات مالهاش أى أساس من الصحة , ولا عارفين مصدرها منين غير ان احنا طلعنا لاقينا الناس بتقول كدة , كدة دة بقى صح ولا غلط , ولا أيه حكايته  "هو كدة وخلاص" ............

  *كام حاجة بجد لو ابتدينا بيها , الموضوع ممكن يفرق شوية:

أولا:مش هيحصل "أيتها" حاجة لو حد سألنا فى موضوع ومكنش له رد عندنا , مش عيب على فكرة , عمتا جهل الواحد بشئ معين دة فحد ذاته معرفة , أيوة معرفة , مجرد أن الواحد يصارح نفسه بانه يجهل حاجة معينة ولا حتى حاجات فدى معرفة , لكن إزاى بقى لما ممكن نبقى أعضاء فى دار الإفتاء , ونفتى بقى من هنا للصبح......(بلاش فتى)!

  ثانيا:كل واحد فينا فيه العبر , ومليانين عوب تسد عين الشمس , مينفعش طول الوقت نفضل نتريق على دى ودة و نفضح عرض فلان وفلانة  "واحنا أصلا فينا بلاوى" متدارية عن عيون الناس علشان بس ربنا ساترها معانا  "على فكرة ربنا أمر بالستر".......(خليك فى حالك)!

  ثالثا:على فكرة البنت اللى بتضحك بصوت عالى فى الشارع دى ممكن تكون أحسن منى ومنك , وبتقوم بمية عمل خيرى فى اليوم , أى نعم دة برده مش مبرر لصوتها العالى , بس طبعا دة ميدناش أى حق بالحكم عليها بانها بنت مش كويسة أو مش تمام , أو تلقيبها بأى لقب سخيف!..أولا مش من سلطتنا اننا نحكم على الناس.......(متاخدش بالمظاهر)!

  يا ريت حتي الكام حاجة دى نقدر نحققها , أو نبتدى بيها...مجبناش ورا غير تحديد عقولنا فى الحاجات  "التافهة" بقينا بنسيب الجوهر ونتكلم فى حاجات , مينفغش أصلا تكون موجودة فى قاموس ثقافتنا...زعلانين أوى أن معظم الغرب مازالوا شايفنا بصورة  "الصحراء" و"البدو" و"الجمل" ...على فكرة هما مش غلطانين , احنا الموصلين لهم الصورة دى عننا , مش علشان بقينا مطلعين على أحدث صيحات الموضة , وبنركب أفخم العربيات فبقينا بكدة مجتمع راقي! معنى  "الرقى" الحقيقى هو رقى ونضوج الفكر والثقافة....... 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق