]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

قولوا كلمة حق . بقلم : سلوي أحمد

بواسطة: سلوى أحمد  |  بتاريخ: 2013-12-24 ، الوقت: 11:31:56
  • تقييم المقالة:

3 سنين مرت علي مصر من نكسة 25 يناير إلي اليوم لم تر مصر فيها سوي الخراب والدمار لم يعلو فيها صوت فوق صوت البكاء والعويل 3 سنين شافت مصر فيها اللي ما شافتوش طول ال30 سنة  ، شافت الدم مالي الشوارع والطرق وريحته في كل حته وفي كل مكان ما بين تفجيرات وقتل ودبح لرجال ونساء وأطفال شافت الحرق لكل حاجة اتحولت شوارعها لمقالب قمامة وطرقها وكباريها لحطام وأطلال  وأعيادها ومناسباتها لاشبه بسرادق عزاء  من جنازة لجنازة ومن عزاء  لعزا ء بطلت تفرح بطلت تغني بطلت كل حاجة حلوة كانت فيها بقت خايفة ومرعوبة وهي اللي عاشت 30 سنة متعرفش خوف همها همين وحزنها حزنين وهي القاتل والمقتول فيها من ولادها من شبابها اللي عاشت تربيهم علشان يبنوها جم وهدوا كل حاجة فيها 3 سنين تعبت وزهقت واتكسرت ومبقتش قادرة تتحمل جه عليها يوم 25 زي غراب بين ورغم كل دا لسه بيقلولها ان 25 يناير ثورة لسه بيحاكموا مبارك لسه بيسموا اللي عملوا 25 ثورجية وكأنهم عايزين يخلصوا علي اللي باقي فيها .

فاضل ايه تاني في مصر يحصل علشان نقول ان 25 نكسة فاضل ايه تاني علشان نعترف بالحقيقة خايفين نعترف لنحطم حلم الشباب اللي افتكروا نفسهم  عملوا حاجة حلوه لبلدهم طيب ما احنا بسكوتنا بنسيهم يموتوا وهيموتوا كل يوم عايزين ندين مبارك ونقول عليه حاكم ظالم طيب مبارك مبقاش عايز شهادتنا  لان الأيام قالت اللي الكل  خايف يقوله قالت ان عصره كان عصر ذهبي فترته كانت افضل فتره مرت بمصر مستنين ايه علشان تنقذوا بلد من وهم وتحموا أجيال من انها تعيش مخدوعه يعيشوا تعيش تمجد  في نكسه قضت علي كل حاجة في البلد وتقول عليها ثورة .

 اعتقد كفاية الاعتراف بالحق فضيله واللي خايف علي نفسه وعلي ولاده لازم يقول كلمة حق لازم نطوي الصفحة السودة دي وإلي الابد لازم مصر تعود يا شعب مصر اعترفوا وقولوا الحقيقة جايز ربنا يرحمكم جايز ترجع ليكم بلدكم اعترفوا وقولوا كلمة حق وأنتم في اي لحظةعارفين إن الموت بقا حواليكم في كل مكان ومش بيفرق بين كبير أو صغير .

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق