]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة فى حب مصر

بواسطة: ياسر شرف  |  بتاريخ: 2013-12-20 ، الوقت: 08:27:42
  • تقييم المقالة:
قصيدة فى حب مصر ============

يا ام الجميع يامصرنا بحضن دافى تضمنا

قبل التاريخ مخلوقة بزمان بعرس ابيض وبفستان

جنة ومذكورة فى القران ببركة وافية من الرحمن

ونقطة نقطة مع الايام النيل بيكبر فى البستان

رضيع بيشرب منها الخير ويرد ليها كل الخير

اصله نجاشى اسمر وجميل يشهد حضارة وادى النيل

يلتف حوله المصريين ويجوزوه ده عروس النيل

يعطس بشدة فى الفيضان وخير قدومه اشكال والوان

وفى بطنه ارشيف للحضارات مرت عليه وبكل لغات

وبقبلة حلوة بيدى حياة وطميه خصب بنستناه

عيونه زرقا وسلسبيل وشرابه سكر ولقبه النيل

واللى يزور يشرب بالدور لازم يعود وبكل سرور

ويقولوا عنها ام الدنيا تأوى الغريب وتحميه بجفونها

عدو وحبيب يحلفوا بعيونها وياكلوا خيرها ويخلفوا فى ظنونها

وياما مروا عليها كتير يهود وقبط ومسلمين

ممفيس وطيبة فى وادى النيل ومصر الحبيبة للمصريين

فراعنة يبنوا شمال ويمين وبيزرعوا لجيل ورا جيل

هكسوس يحاولوا بالتدمير ويقتلوا فى صغير وكبير

لكن ولادها فيهم الخير احمس بيدى مثل للغير

يونان رومان والفرس كمان حاولوا بقوة فى كل مكان

وبيخرجوا وبدرس مرير بفضل وحدة وادى النيل

وتمر وتدور الايام والانجليز يعملوا شجعان

وفرنسيين بيقولوا فرسان ينهزموا ويصيروا فى خبر كان

واتراك يجيوا لنا بخلافة ويرحلوا بكل سماجة

ويزرعوا لنا كتير مماليك يتصارعوا زى الفرخة وديك

ويظهر فى مصر صلاح الدين قائد وقاهر صليبيين

ويسترد قدس فلسطين بشهدا وكانوا بالملايين

مصر الهرم والنيل والخير ولاده زعما صبح وليل

احمد عرابى ومصطفى كامل يحلوا دايما اى مشاكل

محمد فريد وسعد زغلول والشعب يسمع يهب يثور

والناس دى حبت عبد الناصر زعيم وقائد عربى وناصر

وفى حرب العبور زعيم مشهور هو السادات قائد منصور

ومصر برده فى كل مكان هى الوطن والعشق كمان

ومهما كان فى عيوب انسان بلدى اعز واغلى مكان

لازم احافظ على حدودها ولا شبر اقطعه من توبها

فساد ورشوة وظلم كبير لكن خيانة مافيش تفريط

ده الارض عرض وفرض ياناس لو تتركه بجزم تنداس

وفجأة يجيي علينا كابوس اخوان بيشبهوا الهكسوس

يا يحكمونا بعود ملوخية يا يقتلوا ويحرقوا اراضيا

وفى شرع مين دول مسلمين بيدمروا وباسم الدين

ويقولوا ايه يعنى جاسوسية هدفنا هو خلافة اسلامية

جماعة غبية وارهابية تحرق فى كفر وفى الكلية

وادينا برده كتير صابرين لظهور حبيبنا صلاح الدين

والسيسى هو صلاح الدين وعزنا والناس عارفين

والشعب جاهز وراح يفديك واملنا هو خارطة الطريق

وتعود لمصر حضارتها امة عظيمة يا حلاوتها

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق