]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

علاج عدم الثقة بالنفس

بواسطة: Islam Allam  |  بتاريخ: 2011-11-08 ، الوقت: 17:48:33
  • تقييم المقالة:


(1 علاج عدم الثقة بالنفس
_______________
لو انت في يوم ثقتك في نفسك اهتزت مفيش غير وصفتين عشان تعالج مشكلة دي 
الوصفة الاولي:
-لا تقارن نفسك بغيرك > متجيش في يوم وتقول ده كذا وكذا احسن منى! طب احسن منك ليه لو شوفت وحد عنده موهبة مش عندك متقلش اشمعنا قول الحمد لله ربنا سبحانه وتعالي خلق لي كل واحد ميزه بمعنى اللي عندك مش عنده واللي عنده مش عندك يعنى كل واحد فيكوا بيكمل التانى هي دنيا كده شوف موهبتك فين وحافظ عليها.
-ابحث عن القدوة > بالعقل كده ملكش قدوه صالحة اكيد ثقتك هتهتز لازم تبقي ماشي في الحياه باطار تعرف ايه صح من الغلط هتقولي طب اعرف اطار حياتي ازاي هقولك خد شخصية ناجحة قدوة ليك عالم, مفكر, فنان .... الخ , انا مثلا واخد د.عمرو خالد و الداعية معز مسعود وناس تانيه.... قدوة ليا شوفت وعرفت ازاي كانوا بيتعملوا مع مشاكل وبقيت اعمل زيهم واخد طريقه تفكرهم في حل المشاكل 
اثبت وجودك > خليك بين ناس خللي الناس تبقي شيفاك وحسه بيك اشترك مع صحابك في مدرسه في الجامعة في الشغل اعمل معاهم حاجه مفيده وخده كلمة منى اتفاعل مع ناس هتحس بقمتك اكتر و اكتر هتلاقي نفسك بتعمل حاجات وتحل مشاكل حاجات مكنتش تتوقع انك تعملها حاول تكون زي ما قال احمد حلمي في اخر فيلم الف مبروك < من الافضل ان تكون الغائب الحاضر وليس الحاضر الغائب> عشان تكون كده لازم تكون بين ناس ومؤثر فيهم
- اهتم بالاخرين> متقلش زي مثل اللي بيقول يلا نفسي خليك جانب الناس شاركهم في فرح وحزن اي حد فينا لما يلاقي نفسه جعل حد كان زعلان بقي فرحان او حد وحيد وانت بقية تسال عليه ومهتم بيه او انك ترسم بسمه علي شفتي حد اكيد لما تعمل حاجه تغير حد من الاسوء للاحسن اكيد هتبقي مبسوط ميه في الميه و هيخليك تحس بالثقه اكتر وانك ساعد حد انه يتخطي صعوبه ما ساعد الناس واهتم بيهم.....
للحديث بقيه الاسبوع الجاى هقولكوا علي الوصفه التانيه يارب تكونوا استفادوا ومكنش ضيعت وقتكم علي الفاضي
شكر خاص لي ادمن البدج علي مجهودهم الرائع 
شكر خاص جدا لي احمد شاهين لانه هو سبب في انى اكتب كلام ده و يارب تكون مفاجاه دي عجبتكوا وتكونوا استفادوا..

 


(2 علاج عدم الثقة بالنفس
_______________
نستكمل حديث الاسبوع الماضي ,اتكلمنا الاسبوع الماضي عن الوصفة الاولي لي علاج الثقة بالنفس انهارده الوصفه التانيه هي كالاتي:
فكر بشكل ايجابي> عيزك قبل متنام وانت تحت البطنية كده فكر بسرعة عملت انهاردة ايه كانت طرقة كلامك كانت ازاي وافعالك كانت ازاي اتكلمت ازاي مع صحبك اول مشفتوا كشرت في وشه ولا ابتسمتله وسلمت عليه وقلتلوا وحشتنى وانتي لما صحيتي من النوم ولاقتي مامتك مش محضره فطار زعقتي فيها ولا قولتي صباح الخير وبوستيها وحضرتي معاها فطار طبعا هتقولوا ده علاقتوا ايه بالثقه بالنفس اكيد لما تلاقي نفسك بتتصرف تصرفات مش حلوه اكيد ده هيخليك تحس ان الناس بتتجنبك وده هيقلل من الثقه بالنفس شوف انهارده انا كلمت اخويا ولا صاحبي ازاي واروح اليوم اللي بعده اصلح اللي عملته اكيد لما تلاقي حد زعلان منك و يلاقيك مهتم بزعله وصالحته ده يريحك نفسيا و يخلي ثقتك اعلي قبل متنام فكر في الحاجات الحلوة اللي عملتها والغلط اللي عملته مش هيتكرر تانى و ابتسم من جواك و نام وانت بتقول في سرك و قلبك الحمد لله علي اللي عملته من خير انهارده وانشاء الله اي خط حصل انهارده مش هحصل تانى ادي طاقه لنفسك لحد متنام هتقوم صبح مليان تفاؤل عشان فكرت قبل متنام بشكل اجابي خلي تفكيرك اجابي علطول غلط ايه يعنى انا بشر الكل بيغلط انا اقدر اصلح الغلط ده و مش اكرره تانى
-تجنب القلق> اياك و القلق اياك ان تظن ان في حاجه في المستقبل هتحصل مصيبه مثال ينهار ده انا مخلصتش الجزء كذا والامتحان بعد بكره انا كده خلاص هيشل الماده لالالالالا بدل متقول كده قول انا بكره هقوم وا قسم كل حاجه وانشاء الله هخلص كل حاجه وربنا معايا في مشكلة قلاق مش تتفرج عليها اقتحمها قسمها اكتب في ورقه مشكلة كذا و كذا علاج مشكله حط في مخك مفيش مشكلة ملهاش حل زي حديث الرسول صلي الله عليه وسلم في ما معناه ما جعل الله داء الا وله دواء مشكلتك زي داء حلها دواء في اديك دواء ده
-ساعد نفسك > متستناش مساعده من حد ولا تقول فلان موجد هو هيعملي كل حاجه خليك اد مسؤليه متبقاش عظامي خلي اخر حاجه تفكر فيها هي انك تروح لحد وتقول له ساعدنى حاول بنفسك الاول في مشكلة قدامك فكر فيها وحلها ولما تحلها هتقول في مخك طب ما انا تمام اهو ومش خليت حد يساعدنى ده طبعا هيرفع من الثقه من نفسك ويخلي ناس تثقك فيك وتكون ليهم عون في المشاكل
-حدد اهدافك> كل واحد فينا ليه هدف ونفسه يحققه شوف هدفك ده قريب منه ولا لا طب لو انا بعيد اقرب ازاي هات ورقه وكتب اها انا عشان انجح لازم ازاكر واركز علي الحاجات المهمه و قسم وقتي وكل يوم اخد جزء عايز تحقق حاجه قسمها وا كتبها في ورقه واعمل اللي في مستطاعك انا مثلا عندي امتحان يوم الاتين اخذت الملزمه وشوفت كام سوال موجدين وقسمتها اني كل يوم هاخد 5 اسأله انا كده قسمت طريقي وعملي عشان اوصل لي هدفي لو قدار الله فشلت قول لم انجح بعد متقلش لقد فشلت خد اللي استفاده من فشلك عشان توصل لنجاحك....
يارب اكون افتدكم اسبوع جاي موضع مهم اوى 

اسلام علام

www.islamallam.com

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق