]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

قصيدة تخاريف

بواسطة: ياسر شرف  |  بتاريخ: 2013-12-16 ، الوقت: 04:59:13
  • تقييم المقالة:

قريت مجلة خبرها مثير             مذكرات ارملة وسمير

وسمير ده قط سيامى اصيل         راضع وشارب مية نيل

تحكى وتوصف بالتفصيل            طفولته ونوادره دى كتير

وازاى بيحفظ اى جميل              لو قدمت له لبن وعصير

وبدون كلام يفهم على طول         مشاعرها ويكون صدر حنون

وازاى بتشعر بالعرفان               بالرغم من كونه حيوان

وملا حياتها زهور وريحان          احسن وافضل من انسان

وعشان كده كتبت فى وصية        الثروة ليه قال من بعديا

وفجاة عقلى شط بعيد                وربطت بينى وبينه اكيد

وقلت كنا يا اخوان                    ادارة فاعلة اصل زمان

واتغيرت بينا الاحوال                 وهيكلة يعنى التحويل

ونقول ده ممكن التفعيل              يقولوا صبرنا عليكوا كتير

واتمنيت فى لحظة ابقى سمير      واورث فى ثروة وعز كبير

بدل ما ابقى فى خبر كان             واطير فى ورقة من الدكان

ويحدفونى على طول فى النار       عشان ده اسمى قطاع اخبار

ولا لايحة نافعة ولا شيفتات         انت البعيد مهمل بالذات

احتار دليلى والعقل احتار            انط قط ولاارجع فار

            مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق