]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

اوبريت مملكة الحيوان

بواسطة: ياسر شرف  |  بتاريخ: 2013-12-05 ، الوقت: 21:48:21
  • تقييم المقالة:
اوبريت مملكة الحيوان =================

تعيش الحيوانات فى الغابة بنظام واسس ودساتير وهناك دائما ما يكون ملك للغابة ويتم اختياره ومساعديه لخدمة حيوانات الغابة وتحقيق العدالة بينهم وليكون مرجعية فى حالات معينة مثل مملكة الانسان ويحكى انه كان هناك دب ملك للغابة استمر وتمسك بحكمه لاكثر من ثلاثين عام وكان معه حاشيته من ثعالب وديابة وحيوانات اخرى ولكنه بمرور الوقت اصبح يسيطر على مقاليد الحكم ولا يابه لراى عامة الحيوانات كما ان حاشيته كونت عصابات منظمة لابراز باقى الحيوانات التى لم تكن تستطيع ان تتكلم او تتظلم من كثرة الظلم و الاضهاد والقمر الذى كاد ان يصل الى مرحلة الانفجار وحاول الكثير من الحيوانات التظلم ولكن كان مصيرهم السجن والقهر من قبل حاشيته مما ادى بعضهم الى العمل فى السر لاحداث انقلاب ضد هذاالفساد البين فلقد كانوا يفرضون عليهم ضرائب للخدمة العامة ولكن لم تكن الطرق ممهدة ولا توجد وسائل عيش كافية ولا عدالة اجتماعية بين بقية الحيوانات حتى اضطرت الحيوانات الى التظاهر والاعتصام فى الميادين للمطالبة بحقوقهم ولما يجدوا اية استجابة طالبوا باسقاط هذا الملك ومحاكمته ايضا لانه لم يمكن اهل للثقة ولانتشار الفساد والمحسوبية فى كافة المجالات وبالفعل تم اسقاط هذا الدب ومحاكمته على اقترافه من فساد وكان هناك جماعة منظمة من الغربان متصلة بغابات خارجية فى البلاد اخرى استطاعت  بتنظيمها وبالدعم الخارجى ان تعتلى سدة الحكم وتوقعت الحيوانات خيرا من تغيير الملك الطاغية على امل التغيير فى الحصول على العيش والحرية والعدالة الاجتماعية ولكن حدث العكس تماما فلقد اتخذت مجموعة الغربان حيوانات اهل ثقة لها وليسوا كفاءة ولم يكن يهمهم امور الغابة ولكنهم كانوا متصلين بغابات خارجية تتعامل معها وهى اقرب اليهم من غابتهم ووجدت الحيوانات انها وقعت بين شقى رحى تخلصت من دكتاتور ظالم وجاءها جماعة تحكمها او تقتلها مما دعاهم الى التظاهر من جديد للتخلص من هؤلاء الخونة وللاعتصام فى الميادين ولكنهم كانوا يستقوون بجهات خارجية لدعمهم وكان لهم السيطرة على مؤسسات الغابة من شرطة وجيش وقضاء وحاولوا اقصاء الجميع لصالحهم ولكن لم يتوقعوا ان الجيش الذى يراسه الاسد والذى يستحق عن جدارة ان يكون ملك الغابة ان يقف ضدهم فوقف بجانب عامة الحيوانات بجيشه وعتاده واستطاع ان يقهر فلول الظلم والعدوان من جماعة الغربان من بيع هذه الغابة وسرقتها واقصاء الاخرين من ايه منفعة لهم ولذا فقد حصل هذا الاسد على شعبية جارفة من الحيوانات ومحبة له ولكن فى نفس الوقت كان هناك من ينكر عليه هذا الحق بدافع من الحقد والغيرة ولتحقيق الاطماع الخارجية ولكن هذا شئ طبيعى فلا يوجد احد يجمع عليه الجيع ولكنه يوصف فى عالم الحيوانات بالمنقذ وملك الغابة لاانه كان يحاول تحقيق العدالة الاجتماعية بين باقى الحيوانات وتوفير فرص عيش وعمل لهم والارتفاع بمستوى الغابة من خدمات اجتماعية وترفيهيه وذلك لانه ذاق الظلم واراد ان يرفعه عن اهله وعشيرته.

وتنتقل الكاميرا لتتركز على الدب ملك الغابة وحاشيته من ثعلب وديب ويدور بينهما الحوار التالى:

الدب الملك يقول لنائبه الثعلب:

ايه الاخبار يا تعلب افندى         عالم حيوان والحل عندى

ده قالوا كتير ومش عارفين         بأصحى وانام كتير وقليل

فلوس عايزين يا زفت الطين      مصاريفنا كتير ومش فاهمين

فيرد الثعلب نائبه قائلا:

ده كله تمام مع الايام             يبوسوا الايد والفرح يزيد

كلاب بتصيح وفعل قبيح        ندوس فى رقاب يقولوا فصيح

ملك مشغول ينام ويقوم         يدى بركات وبفعل صريح

ويسال الملك مستشاره الديب قائلا: 

وانت يا ديب بقلب حديد         ايه الاخبار وكل جديد

ويرد الديب قائلا:

امور بتصير مع التغيير         كلاب خنازير والفرق قليل

تثور تعابين واحنا راصدين     بضرب كتير سيطرة بتصير

وفى اى مكان كله حيوان        يطلع ويهيج وبسرعة ينام

ويرد بحب الملك الدب ويقول على طول:

خليكوا ناصحين ده احنا داخلين عالانتخابات

والميه ميه نعمل تمثلية

نبدا فى سماع كل الانباء

لو فى طلبات ويا اقتراحات

انا بابى مفتوح ولشبرا حاروح

اوعد شايفين واخلف عارفين

وكلام حنية يعنى ديمقراطية

عايز شهادات من الحيوانات

تشرح بغرابة فى مشاكل الغابة

ويرد الديب:

امرك يا كبير كلنا فاهمين

كل المظاليم عالباب واقفين

ويدخل حيوان اخر وهو القط ويقول:

عدلك ده فاق سمعتك ومافيش ده ظلم بجد

ونجوم كتير من حاشيتك دايما بتسمع حد

الخير يعم بهلتك والبركة حد وسبت

ياريت يكون من ذريتك وريث كمان للعرش

ويدخل حيوان اخر وهو الفارويقول:

الفخر كان من عزتك وانت كدب كبير

واحنا بنعيش فى معيتك فى خير وعز كتير

يارب بارك فروتك واجعلها تاج الخير

ده احنا بدون حضرتك يتمى وفعل قليل

ابنك يعزه ربنا ويكون وريث وكبير

ويدخل حيوان اخر وهو النعامة ويقول:

خيرك مالينا والعدل فينا ليل ونهار

نورك منارة فى كل حارة للثوار

تحكم بحكمة ودقة ومهارة والعقل احتار

ويقول الملك:

حيلتنا فى التمثيل حرية وديمقراطية

عايزين معارضة تقول بعض العيوب فى

وكانى صدر حنون استوعب فى رعية

ولا نقد ولا تجريح له قيمة فى عنيا

وتحضر الحاشية بعض الحيوانات لنقد الملك الدب

وتبدا الحيوانات فى الدخول لشرح مطالبها ويدخل الحمار الوحشى ويقول: 

حواليك اتباع دول مستشارين

ياكلوا فى اعشاب ومالناش برسيم

ويقولوا كتير وما فيش برسيم

انا عقلى ده طار والاسم حمار

ثم يدخل حيوان اخر لعرض طلبه وهو الفيل ابو زلومة ويقول:

لو فى طلبات يعنى مطبات

وفلوس دى كتير دايما واخدين

ولا فى خدمات كله مطبات

واشجار دبلانة دايما عيانة

ومافيش حرية والخيبة قوية

ويدخل حيوان اخر وهو القرد ويقول:

حواليك السيس وتقول توريث

ابنك ده حمار وانت جبار

ده كفاية فساد منك بالذات

والافة دى هى رشوة ومحسوبية

وفلوس دى كتير للمستشارين

تعمل ايه فيهم داهية توديهم

جلبوا لنا العار والعقل احتار

هم الواكلين واحنا جعانين

ويدخل حيوان اخر وهو الكلب ويقول:

كلنا عاطلين ومافيش تشغيل

وفلوس دافعين وبطالة شايفين

ياما دقنا كتير والرزق قليل

حواليك فاسدين والناس عارفين

ويدخل اخر وهو الجمل ويقول:

صبرى عليك نفد وقال لى استنى

ده انا كنت زى الاسد والغابة كانت جنة

من يوم ماجيت بهلتك والدنيا نازلة لتحت

بفساد حاشية حاوطتك والرشوة هى الحل

توريث وعايز حضرتك ابنك يكون فى الملك

ده مش كفاية بلوتك حنعيش سنين فى المر

ويضحك الدب الملك بسخرية من كل هذه الانتقادات ويقول لحاشيته:

حيوانات الغابة دول يعنى غلابة

فاكرين الدنيا سهلة وجذابة

دول مش عارفين ازاى بندير

وعايزين فى حلول منى كمسئول

ازاى بوقاحة يطلبوا بقباحة

كله حيتحاسب بعد انتخابات

ابنى انتخبوه يشبه ده ابوه

هو اللى حيحكمهم ويخلف فى ظنونهم

قوة وحيوية واحكامه قسية

وتتجول الكاميرا لتركز على مظاهرات الحيوانات واعتصاماتها واللافتات التى يحملونها ونسمع صوت الحيوانات فى مظاهرانها تقول:

ارجع وابعد ياعم السيس مافيش بقى رشوة ما فيش توريث

كفاية زهقنا ياعم عناد خربت الغابة وكله فساد

مطالب عادلة فى التغيير وعيش حرية لابد تصير

يسقط يسقط حكم الدب يمشى وفورا بدون مايقب

عصابة وحاكمة يعنى فلول فى داهية تاخدها عليها الدور

حقوق منهوبة من حيوان وفلوس مسروقة لحد الان

مش حنسلم مش ساكتين لحد ما يمشى وفى ستين

والسلمية فى مظاهرات بدون همجية مع اعتصامات

والحرية تمنها كبير جهد ودم بدون تفكير

 

وتذاع اخبار عن التوريث وتثور حيوانات وتقول ده كفاية ظلمه وفساده وحيورث ابنه ده مش معقول لازم اصلاح وتتظاهر حيوانات وتعمل اعتصامات وترفع فى مطالب تغيير اصلاح عيش حرية عدالة اجتماعية ويسيب الناس تضرب اخماس ويقولوا كمان يسقط النظام ولازم يتحاكم على كل جرايمه وما فيش توريث وكله بيشارك من شعب الغابة ويخش معاهم غربان الغابة ويقولوا فايزين احنا الشاطرين تنظيم بمهارة وفلوس جبارة ويفوز ده زعيمهم بمملكة الغابة ويقولوا كمان يمكن تعويض واصل التغيير يعنى التجديد .

ويقول ده زعيمهم ده غراب البيت:

اهلى وعشيرتى انتوا انتخبونى

وانا راح اخدمكم بقلبى وعيونى

عندنا مشاريع نهضة وتلميع

وشوارع الغابة راح تبقى الاجة

وغابات حتزورنا وتراعى ظروفنا

وتدينا تمويل واشجار ونخيل

وتلاقوا اشغال وينصلح الحال

والكل سعيد للعهد جديد

ومافيش اشكال ده الحال بقى عال

وتتجول الكاميرا لتركز على مظاهرات الحيوانات واعتصاماتها واللافتات التى يحملونها ونسمع صوت الحيوانات فى مظاهرانها تقول:

كنا فى حفرة وقعنا فى بير والمظلوم ده له رب كريم

دب بياكل كل حقوق والغربان تنهش لحم ابوك

راح الدب وجم غربان بغم وهم مع الايام

مش حنسلم مش ساكتين لحد ما يمشى وفى ستين

والسلمية فى مظاهرات بدون همجية مع اعتصامات

والحرية تمنها كبير جهد ودم بدون تفكير

والسلمية فى مظاهرات بدون همجية مع اعتصامات

نرد حقوقنا بالتغيير وعيش حرية لابد تصير

وجيشنا حبيبنا يبقى معانا بعدل وحكمة وهو منانا

واسدنا قائدنا هو حامينا فى كل الغابة وضى عنينا 

 

وتكتشف الحيوانات انه مافيش فرق بين الدب الملك وحاشيته وفلوله وبين جماعة الغربان فهما وجهان لعملة واحدة وكل منهما يعمل لمصلحته فقط وتعود المظاهرات والاعتصامات من الحيوانات مرة ثانية وتطالب باسقاط النظام ولكنهم كانوا يعملون لصالحهم فقط دون مراعاة صالح المملكة التى حاولوا ان يبيعوها لولا صمود مؤسسات المملكة من جيش وشرطة وقضاء وبفضل مساندة الجيش ورئيسه الاسد لما استطاعت الحيوانات ان تتخلص من جماعة الغربان ويقول الاسد قائد الجيش:

انتم شايفين وكمان شاهدين

يرضيكوا نشوف الغابة بتروح

غربان اندال تهدم اجيال

انا روحى فداكم وبقلبى معاكم

تدونى تفويض اخدمكوا اكيد

الغابة وطنا لينا واحفادنا

نحميها بالدم ونكفيها من الغم

مطالبكوا اوامر ونروح نتساير

الجيش والشرطة دول امن الغابة

دول يحموا حدودنا وعيون سهرانة

ونقول فى عدالة ناجزة وفعالة

وتحيا الحرية وبراية ابية 

وتهلل الحيوانات فرحا وتقول:

كلنا وياك والمولى يرعاك

نفديك بقلوبنا يا قائد اجيالنا

انت اللى ناصرنا وكمان منقذنا

وتقيم الحيوانات الافراح لاملهم فى الاصلاح على يد الاسد وتعاهده

 

 

      مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

             

 

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق