]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

صبح .. وعالبساطة البساطة

بواسطة: جمال ابراهيم المصري  |  بتاريخ: 2013-11-27 ، الوقت: 08:28:44
  • تقييم المقالة:
صباح وعالبساطة البساطة ...

 

       لو كانت المطربة الراحلة الصبّوحة بتعرف إنه بعد خمسين سنة من أغنيتها ( عالبساطه البساطة .. اتغديني جبنة وزيتونة وتعشيني بطاطا) إنه سعر كيلوا الجبنة حيوصل لست دنانير والزيتون يتجاوز الدينار وكذلك البطاطا..فهل كانت ستستخدم هذه الأطعمة في أغنيتها ! والتي كانت تدل أيامها على الرخص ( والبساطة ) وعلى رضى العيش بتناول أقل ألأطعمة سعــراً !! وكانوا يقولوا أيضاً ( بسعر الفجل ) وهذا للدلالة على رخص الشيء ،وكانوا يضربـوا بالفجـل المثل بسبب رخصه ، لكن وين اليوم الفجل طار وولـّع وصارت الربطة الصغـيرة المسخوطــه بنص دينار .

     وكانوا يتغزلوا بالبنت ويقولوا خدودهـا حمر مـثل البنـدورة .. صارت البنـدورة والحمد لله خضرا وعجره .. وبعد تحديد الحكومة لسعر سقفها الأعلى ، صارت رشيقــة .. وقفزت لديـنار وربع ( وطبعاً ما في خضرجي بتنازل وينزل لسعر السقف الأدنى ) كلـّه شامخ فـوق ووينك يا طلعة .. وأخوات وإخوة البندورة من كوسا وخيار وليمـون وزهــرة .. غاروا وطلعـوا عندهــا بالعالي فوق وصار الغلا أحلى صنعه .

   وجاك الشتا يا محتاج البنزين .. خليك زلمة وأضرب سلف وحمـّي السيارة خمس دقائق من البرد يا حزين..ما هي العشر دنانير يا دوب تحوق بقاع التنك وتبل ريقه بشوية حنين، أقلـّك : بلاش من هالمرجلة ،أضرب سلف وحط جير على طول أشرفلك ، وقول يا دايم يا معين .

     وبننتخب النواب عشان يشوفوا همومنا وحاجاتنا ويخففوا عـنا .. وبعض الاخــوان منهــم  ببعض نازلين مسبات وطوش وضرب وعالميجنا ، ونصهم حجز الكرسي في المجلس وما قعد عليه والكرسي منـّه ما شاف الهنا .. إمقضيها الأخ غياب وتجارة وسفريات وشمّة هوا .

     ومن نكد البيت وطلباته .. والشغل والراتب السريع بمغادراته .. والغلا اللي لفوق طلعاتـه .. ومزحات الحكومة الثقيلة والنسور وهلاّته .. وخراب السيارة من حفر الشارع ومطباتــه .. بتطلع بالسيارة ودماغك تقيل وبدوا ينفجر .. وبتدوس على البنزين من القهر .. وإذ بالكاميرا الخفية بتلقط لك أحلى صورة وبتقلك فيـن يــا وهــر .. وإذا كـنك زلمة روح رخـّص وانبهر .. وحتلاقي التأمين بيضحك لك مثـل البــدر .. وعنــد الفحص بيقــول لك : صلـّح وادهــن .. وإذا القروشات ما كفـّن .. وتركت هالطابق وروّحت.. لحق مخالفات أم العشرين ..لانتهاء الرخصة يا مسكين .. لفين بدك تروح ؟ اطفي وصف على اليمين .. لبين ما يفرجها رب العالمين .

Jamalmasri60@gmail.comw


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق