]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة ظلم الانسان لاخيه الانسان

بواسطة: ياسر شرف  |  بتاريخ: 2013-11-22 ، الوقت: 11:39:16
  • تقييم المقالة:
قصيدة ظلم الانسان لاخيه الانسان ===================

عجبى على ظلم الانسان                     يقتل اخوه وبغدر كمان

قابيل هابيل فى الاصل زمان                ومن عصور ولحد الان

لكن حرام كلمة اسلام                         تستخدموها بدون عنوان

برئ ده منكم فى اى مكان                   ولا قتل ولا ظلم ولا عدوان

الدين ده نعمة من الرحمن                   لو يفهموه وبدون ده كلام

وده ذنبه ايه جندى غلبان                   او حتى ظابط فى الميدان

وتقتلوه وبخسة كمان                        وعيلته تلعن فى الاخوان

اولاد صغار يبقوا ايتام                       وزوجات وام بعيون ماتنام

وعيلة دمرها الحيوان                        ب غل وبحقد الايام

هل هو ده من الايمان؟!!                     بقتل نفس ونقول اسلام

هو العدو شيطان خناس                      يفتن عقول ده بقتل الناس

وبخبث وبتخطيط له اساس                  يبقى العدو احب الناس

يتقاتلوا هم بنفس الدين                       وعن العدو يبقوا بعيدين

ولو صوت يقول ابقوا متحدين              يصرخ يقول دول مش فاهمين

ويقولوا برده دفاع عن دين                  دول هم يبقوا المرتدين

وللحق هم كمان ناكرين                      ويفتروا بالشرع ودين

بيقتلوا فى جنود مساكين                     ويقولوا احنا المحترفين

وجيش وشرطة مش سايبين                ارهاب منظم باسم الدين

لو كنت انت المقتول                           وشعرت  حرقة ام حنون

ودعاء لوالده المكلوم                         وصرخات ولاد قاعدين فى ذهول

وعويل لزوجته طوال اليوم                  وبكاء لعيلته وكان بيعول

تتمنى قطر يكون ملعون                      يفرم فى جسمك يوم ورا يوم

فى الجنة هو حيبقى شهيد                    وانت وجماعتك فى نار بتقيد

وفلوس بيدفعوا بالملايين                     لشباب مغرر مش عارفين

ويقولوا احنا الجهاديين                        والباقى كله دول كافرين

ربيع وعربى يعنى تقسيم                      لجيوش وشعب صلاح الدين

ولو يتحدوا مرة بأسم الدين                    ليحرروا قدس فلسطين

وبدل ما يقاتلوا المسلمين                       يقاتلوا برده اعداء الدين

 

      مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

            


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق