]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

اوبريت فواكه البستان

بواسطة: ياسر شرف  |  بتاريخ: 2013-11-14 ، الوقت: 11:17:06
  • تقييم المقالة:
اوبريت فواكه البستان ========

تنتقل الكاميرا الى بستان الفواكه وتصورها للتعرف عليها وعلى وظائفها وفوائدها ويمكن تصوير كل فاكهة بصورة طبيعية وتمثيلها ايضا برسوم متحركة او فى صورة اطفال يرتدون قناع الفواكه لتعريف الاطفال بشكل وفوائد هذه الفواكه وقدرة الخالق العظيم جل جلاله فى اكساب الطعم واللون لهذه الفواكه بصورة طبيعية وكانها فى مملكة مترابطة تتحدث كل واحدة على حدى كما يمكن تشخيص هذه الفاكهة فى صورة اشخاص متنافسة فيما بينهم لاجراء انتخابات لانتخاب ملك المملكة ومجلس ادارته ومن ثم فكل فاكهة ترفع يافطة لدعم انتخابها بعد عرض مزاياها الانتخابية فى اللون والطعم.

 

بلحنا طالع فى العالى              مغرور بشكله وبالعالى

احمر واصفر بنى كمان            زغلول وعلى كل الاشكال

انا الشريف فى مقام عالى         والنخل دارى ويحلى لى

كلى فوايد للانسان                  قبل التاريخ وفى كل مكان

واسمى تمر وتمورة                وفى الخشاف تحلى الصورة

يالا بسرعة انتخبونى               احسن حاقطع فى هدومى

لاتنسى اسمى وتستنى              بستانكم راح يصبح جنة

خبرة وحلاوة وادارة                 واحلى فاكهة ومهارة

احلامكو عندى دى اوامر            ولما اجيلكوا راح نتساير

لا تقول لى مانجة ولا فراولة        زغلول حبيبكم ملك الطاولة

==================================

والمانجة طارحة على البستان    تفرح قلوب وتزيد فى امان

حلاوتها زايدة فى كل لسان        وتديها طاقة للانسان

ترقص تغنى بهدومها              والكل يفرح بقدومها

وتقول حلاوتى دى عروسة        وقلبى يستاهل ميت بوسة

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لا تقول لى تفاح ولا جوافة         المانجة هى المتشافة

=================================

وترد فاكهة من البستان            فراولة حمرا لابسة الفستان

وتقول خدودى حمار وطبيعى     وحلاوتى بتزيد فى عصيرى

وقوامى يجذب اى زبون            ويحبنى وبكل جنون

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لا تقول لى مشمش ولا برقوق     الفراولة هى ملكة السوق

===============================

وترد فاكهة من البستان           عنب بناتى وفيومى

والشكل يعنى اشكال والوان       احمر واصفر برده كمان

ببذر ويحبه الانسان                بناتى بحلاوة الايام

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى تين ولا بطيخ         ده عنبنا واصل لكفر الشيخ

================================

وترد فاكهة من البستان           مشمش ده حموى وطعمه جنان

تاكلونى حب مع الملايين         عصير وبرده قمر الدين

وبيا بيضربوا الامثال              عزيز ويطلع فى المشمش

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لا تقول لى موز ولا تفاح         مشمشنا ده  ملك الافراح

=================================

وترد فاكهة من البستان           يوسف افندى وبرتقال

بلدى وبصرة وسكرى              عصير وحب وفنجرى

والقشر برده بيتبشر              ويكون مربى مع الجزر

اصلى موالح فى البستان          وفوايدى تنفع للانسان

شكلى فى دايرة مدورة             كرة صغيرة ومسكرة

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى عنب ولا كيوى          ده برتقالنا ملك الميرى

=================================

وترد فاكهة من البستان          احمر جميل حب الرومان

منفوخ مدور ببذورى              تعصرنى اخلع فى هدومى

والفايدة طالعة فى عروقى         توصل لفتحى وبيومى

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لا تقول لى موز ولا تفاح            رومانا  ده ملك الافراح

===============================

وترد فاكهة من البستان :      

برقوق واحمر كله حنان           ياكلونى شلة من الاخوان     

وحلاوتى زايدة مع الايام           تشغل قلوب وفى اى زمان

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى عنب ولا كيوى           برقوقنا هو ملك الميرى

 

 

 

وترد فاكهة من البستان :      

بطيخ حمار  كله حلاوة             لا تقول لى فاكهة وبقلاوة        

فى الحر دايما مطلوبة              وحلاوتى دايما محسوبة

واللب ده اللى فى قلبى              ياكلوه وايه بقى ذنبى ؟!!

ولو دى قارعة البطيخة             تعمل لى كارثة و فضيحة

فى الارض دايما مزروعة          وفى شكلى دايما موضوعة

سبحانه جل كتير فى علاله          وكله شئ ده بامر الله

يالا بسرعة انتخبونى                احسن حاقطع فى هدومى

لاتنسى اسمى وتستنى               بستانكم راح يصبح جنة

خبرة وحلاوة وادارة                 واحلى فاكهة ومهارة

احلامكو عندى دى اوامر            ولما اجيلكوا راح نتساير

لا تقول لى موز ولا تفاح             بطيخنا ده ملك الافراح

=================================

وترد فاكهة من البستان :      

تفاح واحمر بحلاوة               وصفاره برده كله  نقاوة

من عيلة عالية وتحلى لى        وسعرى دايما فى العالى

وخدودى حمرا ومنفوخة         حلوة وتستاهل بوسة

معروف بقيمتى للفلاح            واسمى ولقبى التفاح                  

يالا بسرعة انتخبونى              احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى عنب ولا كيوى        تفاحنا هو ملك الميرى

=================================

وترد فاكهة من البستان:

انا موز وبلدى وصغير            وحلاوتى دايما بتحير

بنقطة ومن غير ولا نقطة         ابلى عدوى بميت نقطة

صباع واصلى فى سباطة          وشكلى يدى على قلاطة

انسان وقرد يحبونى                والقشر يلزق فى هدومى

يالا بسرعة انتخبونى               احسن حاقطع فى هدومى

لاتنسى اسمى وتستنى              بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى بلح ولارومان            الموز ده اصلى ومن اسوان

================================

وترد فاكهة من البستان:

انا خوخ كبير وحتى صغير         طعم وعمرى ماحاتغير

كوكتيل فواكه يضيفونى            وعصير لوحدى يحبونى

 يالا بسرعة انتخبونى               احسن حاقطع فى هدومى

لاتنسى اسمى وتستنى               بستانكم راح يصبح جنة

خبرة وحلاوة وادارة                 واحلى فاكهة ومهارة

احلامكو عندى دى اوامر            ولما اجيلكوا راح نتساير

لاتقول لى عنب ولا كيوى           الخوخ ده هو ملك الميرى

 

وترد فاكهة من البستان:

انا تين بشوكى وبرشومى          وطعامتى طالعة على عيونى

كبار صغار بيحبونى               مربى فاكهة بياكلونى

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لا تقول لى موز ولا تفاح           التين ده هو ملك الافراح

==================================

وترد فاكهة من البستان:

جوافة فاكهة ومصرية             ببذور وحلوة وطبيعية

عصير وتضرب فى الخلاط        واللى ياكلها يصبح مقشاط

يالا بسرعة انتخبونى               احسن حاقطع فى هدومى

لاتنسى اسمى وتستنى             بستانكم راح يصبح جنة

خبرة وحلاوة وادارة                واحلى فاكهة ومهارة

احلامكو عندى دى اوامر           ولما اجيلكوا راح نتساير

لاتقول لى خوخ ولامانجة           الجوافة دى احلى كمانجة

======================================

وترد فاكهة من البستان:

انا الحبيب واسمى الكيوى          اديك فى قوة وتدعى لى

وفوايدى دايما معروفة                 ترجع صبى وتبقى عروسة

يالا بسرعة انتخبونى               احسن حاقطع فى هدومى

لاتنسى اسمى وتستنى              بستانكم راح يصبح جنة

خبرة وحلاوة وادارة                 واحلى فاكهة ومهارة

احلامكو عندى دى اوامر            ولما اجيلكوا راح نتساير

لا تقول لى مشمش ولا برقوق      الكيوى هو ملك السوق

===============================

خضار وفاكهة كمان انسان         جماد بحور حتى الحيوان

ومن زمان ولحد الان                كله يسبح للرحمن

يارب يا خالق الاكوان               وجبال وانس وجن كمان

من الطين خلقت الانسان            ومن الطين زرع وبرده كمان

والفاكهة برده مع الاشجار           بذور فروع دى كمان وثمار

خضار خيار كمون ولمون            مزروع على كل شكل ولون

ازاى يحليها والطعم ده فيها          والملح يديها والشطة تلاقيها

وبقدرة يراعيها ربك ويحميها        والناس تعيش بيها والبركة دى فيها

والاصل ارض ووحل وطين           واليها كل الناس راجعين

سبحانه جل الله فى علاه              والعقل فط فى ملكه وتاه             

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق