]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

الوظيفة ,فيس بوكي !!

بواسطة: محمد عياش القرعان  |  بتاريخ: 2013-11-12 ، الوقت: 05:33:13
  • تقييم المقالة:
  سألني صديقي شو بتشتغل بعد ما تقاعدت طمّنا عنّك ؟ قلت والله اذا على الشغل كثير ومش فاضي احكّ راسي من كثرة الشغل... قال يا سلام !  قلت يا سلامين ...لعاد انت شو بتفكرني قليل !! قال  يا سيدي الله يوفقك...لعاد دبرنا معك اذا بتقدر ! قلت ابشر ..بس خليني اعملك حساب عالفيس بوك بالاول .. قال لويش؟ شو بتشتغل انت بالزبط؟ قلت والله اذا على الشغل لا تسألِش... عِد معي: اول أشي انا طول الوقت بكتب بوستات وبنشرها ع الفيس بوك, وبعد ما انشرها اقوم بالرد على التعليقات ,وكل تعليق بَحُط عليه لايك...وكل واحد منَزِّل بوست من اصدقائي بقرأه وبعمل له لايك...وبعلّق عنده شويّه, وهو بعد ما يرد عليّ,انا برد اشكره كمان واعمل لتعليقه لايك....واذا شُفت بنت معلّقه ,بعملِلِها لايك وبدخل بروفايلها ,وممكن اعمل لاحد بوستاتها لايك مشان الفت انتباهها ..وممكن اطلب صداقتها ويطّور الامر واشكرها عالخاص ,وأخش معها بحديث جانبي اذا لقيت عندها طَرَاوه..وتصير صديقه عندي فوق العاده.. وممكن اعمل شير لبوست اعجبني لصديقه ,ويفضل يكون لوحده...بصراحة بوستات البنات الهن جاذبيه خاصّة لا تواخذني بهالكلمة . وممكن تمِد معي الشغله ساعات طويله ,واحيانا بظل سهران طول الليل للصبح ,وانا اعمل لايكات واعلّق هون وهناك واشارك بجروبات ثوريه وعاطفيه واجتماعيه ومعارضه ,ودردشات عالخاص ...واصبّح وامسّي كل يوم على الجميع ..وأهنّي هاظ واهنّي هظيك بعيد ميلاده وميلادها وأعزّي فلان وفلانه..وانشر ادعية رمضان والستّة من شوال وذي الحجة وايام البيض ويوم الجمعه ,وفوائد الاعشاب ومضار الكولا والبيبسي ..والتذكير بالصلاه والنظافه..والتعليق على الصور ومنوّر ومنوّره ...والله ينور عليك...وانشر أوردة وادعيه وذكر وقرآن واحاديث نبويه ..ومشترك ببرامج دعويه تنشر ادعية يوميه واحاديث وقرآن ...وبرد على اللي بعلّقوا عليهن...شغله طويله..ووووووووو.. يا أخوي مشان الله اسكت ,هلكتني ...كل هاظا بتشتغله لحالك ؟  اه والله يا اخوي لحالي ... قال احكيلك شغله من الاخر ؟ قلت احكي ... قال يا اخوي خلص دخيلك ما بدي اتقاعد ,خليني هيك احسن..والله يكون بعونك ..والله شغلك هلاك وموت والله يكون بعونك !

 

قلت اه لعاد كيف شو بتفكرني قاعد لا شغله ولا عمله !
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق