]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

.. " على سِلم السياسة " ..

بواسطة: عمرو ابراهيم سيد أحمد مليجي  |  بتاريخ: 2013-11-10 ، الوقت: 00:55:17
  • تقييم المقالة:

.. " على سِلم السياسة " ..
................................

خُلاصةْ كلامي وصَبر السنين

سياسه وساسه خُصوم اليقين

وسِلم يسَلم لتل انْحِدارك

وقبل انْتِحارك هتفضل سجين

ولعْبةْ كراسي وناظر حماسي

ومَالَك جَمالَك ، وحِزْبكْ مُعين

وسيْدَك يسُودك وصبْرَك حُدودك

ورغم احتمالك هتفضل حزين
..
تعالبْ ، ديابه ، كانّك في غابه

تقولك فـ وشّكْ : بحبك يا بيه

وهِيَّ فـ غيبْتك تقطّع في سيرْتك

تغني الحكاية ، وترقص باليه

هُدومْهم نضيفه ، قلوبْهم عفيفه

وجوّه السياسه ، ابوهم جنيه

تشوفهم ديابه ، وضَهْر الغلابة

تقولك : دا سلم ، وتركب عليه

ولو كنت ناوي تماشي امورك

هتشرب اهانْتك شُرْبِةْ سُوتيه

وتلبس حَصانه بطعْم الخيانه

وتنتف حواجبك ، وتحْلقْ كاريه
..
تعالب ، تتاجر بدم الشهيد

تهادي بضحكه ، وتنضح صديد

وتنصب صِوانك عشان احْتِضارك

وتبعت خُصومك ، تقولك : دا عيد

وبعد الجنازة بتحرق تاريخك

لزوم العدالة ، كأنّك طريد

ومهما انتصارك يجاوز قرارك

هيفضل نهارك يعادي الحصيد
..
تعالبْ بتلبسْ وشوش النظام

ولو كنت فاهم تقولك تمام

وبعد المحبة ، وطُهر الأطبّه

بتبعت لناسَك دليل اتهام

فلو كنت شاطر هتبعد يـ شاطر

وتبعت لشوْقي تحية وسلام

عشان التعالب ومهما تطالب

هتكْفر بدينك وتحمي النظام

وعقلك فـ راسك هيفْضل خلاصك

ينوّر سبيلك ، ولو فـ المنام

ودينك فـ قلبك ، وحُبك لعيسى

يقولك مُحمدْ رسول السلام

................................
 .. " عمرو المليجي " ..
مصـــــــــر 9/11/2013


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق