]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . 

فى الميدان

بواسطة: Ahmed Aboelmagd  |  بتاريخ: 2013-11-08 ، الوقت: 05:49:56
  • تقييم المقالة:

                          فى الميدان

 

فى الميدان عمرى انكتب بحروف عزيمه وانتصار

 

فى الميدان شوفنا الامل بيترسم جوا عيون الشقينين

 

علمك يابلدى بنرفعوه من واحنا لسه عيال صغار

 

بس الميدان خلى العلم يرقص بزهو المنصورين

 

جوا الميدان تلقى الامان عايش معاك بيطمنك

 

تلقى الشباب شايلين بلدهم ع الكتاف

 

تلقى الشيوخ ويا الصبى وبضحكه حلوه بتنصفك

 

تلقى الرصيف بيهزنا لما بنعلى بالهتاف

 

فى الميدان شوفنا المسيحى بيحرسك وقت الصلاه

 

شوفنا الميدان بيسعفك لو قولت (ااه)

 

فى الميدان شوفنا الفقير جمب الغنى بيهتفوا

 

فى الميدان تسمع زئير المنبوحين

 

يسقط نظام الكدابين الخائنيييين

 

 

ايوووه خائنين دا انتوا لسه من سنين

 

كنتم معانا مقهورين كنتوا شايفين الظلام جوا سجون الظالمين

 

كنتم معانا فى الميدان بتهتفوا يسقط نظام الكدابين الخائنيييين

 

 

واما سبنلكوا البلد خيبتوا كل الظنون

 

الظلم من تانى اتولد والبيوت مش فيها نووور

 

من امتى كانت سلطه للظالم تدووم

 

شعبك عظيم من يوم ميلاده وهو ع الفاسد يثووور

 

 

وجعتوا راسنا بالكلام والبحر فى وعودكم طحينه

 

اعرفوا حجم المخاطر قبل ما تقودوا السفينه

 

يالى ملللوووك (القصاص) لا جبت حق الشيخ عماد ولا حتى حق اخونا مينا

 

فا متزعلوش لما ابقى ثاير ع الفساد دى الثوره ع الظالم فضيله

 

 

فى الميدان وقف التاريخ باانبهار

 

ازاى نجوم الليل بتلمع واحنا ف عز النهااار

 

قام الميدان قايل بفخر الانتصار

 

اصل النجوم عاشقه لصوت المخلصين فا مكفهااش وقت الظلام

قومى بينا يا مصر نرمى كل ظالم منا بره

يالى كتموا فى يوم امالك البلد دلوقتى حره

قوم معايا هنعلى بيها بكره مصر هتبقى جنه

احنا جيشها الى حاميحها بالكتاب قرأن وسنه

 

اوعى تنسى ف يوم شبابك الى ماتوا عشان عيونك

اوعى تبقى على الى خانك والى باعوا فى يوم دموعك

باالى حبك فينا عايش عمرنا يمحى همومك

روحى ليكى تكون هديه دمى يحميكى يصونك

 

اصرخ وناضل على صوتك صحى كل مصرى نايم

 بس بسماحه دين محمد مش بالسفاله والشتايم

 

بطلوا فرقه وتفاهه واتهام لبعض باطل خلى عقلك هو حزبك مش ورا رمزك تماطل

 

مصر مش لحيه وعمه ورأى واحد يبقى سايد والى خالف يبقى كافر والمناقشه بدون فوايد

 

مصر مش جايزه نوبل ولا هى وكاله انيرجى مش كل الى هيقوله البرادعى هيبقى صح ضرورى يمشى

 

مصر مش باسبور امريكى ولا هى واحد مننا مصر عايشه مابين قلوبنا وحب بيجرى ف دمنا

 

ماتجيش بقى بدماغ جنابك وتزيد ف ام همنا وحياه ابوك شعبك غلابه وجهل امك ذلنا

 


https://www.facebook.com/aboelmag/posts/576228412420007


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق