]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

لا انا عسكر ولا اخوان

بواسطة: Ahmed Aboelmagd  |  بتاريخ: 2013-10-28 ، الوقت: 12:25:16
  • تقييم المقالة:

18 سنه مع المحروسه

 

لا انا عسكر ولا اخوان

ولا هركع ف يوم لوزير ولا لحكام ولا لساده

ومش بايس ايدين مرشد ولا هتذل لبياااده

 

انا المصرى الى ضاع عمرى ولسه ف الميدان تارى

انا الطفل الى غموا عنيه وانا الغرقان ف عباره

وانا البنت الى عراها عساكر كلبه بطاوى

وانا الى ف ماتش ضحكوا عليه وسجل ع الدماء عاااره

 

من يوم ماعينى فتحت وانتى بتكوينى

يامصر لو ساخطه عليا طب ليه بتشكينى

دا نفسى افديكى بروحى بس ايه الفايده ؟؟؟

ما الوف ماتوا فداكى ولسه الجروح سايده

 

عمرى معاكى مش كتير هما يدوب حبه سنين

مايكملوش عقدين زمان

لا شفت فيكى امن ولا شفت فيكى امان

منهم 16 سنه شعبى جبااان خايفين من كلب النظام وقافلين كل البيبان

وف يوم وليله قام  ثار وكسروا كل القيود

ثوره بتنادى بكرامه وشبابنا زى الورود

قولنا خلاص سقط النظام والظلم مش جايز يعود

 

ايجوا عساكر قالوا لا الظلم علينا مكتوووب

قاموا دايسين ع الكرامه واخلفوا كل الوعود

 

قولنا ياعم خلاص دى هانت

رئيسنا بكره يجيب حقوقنا

وااما النتيجه ظهرت و بانت

لقينا جوز غربان ف سوقنا

يالا نختار مابين عدو لاما  خاين للعهود

 

قومنا شاريين الخايين وقولنا يمكن يوم يتوب

بس دا الطبع غلاب والسلطه بتغير

ايجى عشان يحكم ف عشيرته ويأخون الدوله

والشعب اهو شويه كلاب طول عمره متحير

والضرب من تحت الحزام شغال فينا مقاوله

 

 

قام الشباب متمردين على حكم فاشل طول سنه

ما الدم بقى ارخص ما فينا مش فارقه يعنى المسأله

هنموت فداكى ونعلى اسمك وننقذك من الاخوانه

 

قامواال عساكر قالوا لا لازم نكون مع البلد

وقبل مانكمل سبوع كانوا زالوا الاخونه

 

قولنا خلاص الحق باان والدنيا هيسودها الامان والبلد راح تنصلح

 

قامت معارك بين جبان السلطه عنده بدمنا

وبين عسكر ماتعرف صادق ولا بكره يخمنا

بحر الدماء شغال على راس الغلابه من البدايه

الى يموت يااما شيخ تعرف على ايديه الهدايه

لاما جندى ف خدمته ف عروقه شوفنا البساله

 

ياارب صبر اهلهم والجنه ليهم تكون نجااه

ياارب احقن دمنا ورجع لضميرنا الحياه


https://www.facebook.com/aboelmag/posts/588302817879233


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق