]]>
خواطر :
رأيت من وراء الأطلال دموع التاريخ ... سألته ، ما أباك يا تاريخ...أهو الماضي البعيد...أم الحاضر الكئيب...أو المستقبل المجهول....   (بلقسام حمدان العربي الإدريسي) . 

.. " شِلة غبية " ..

بواسطة: عمرو ابراهيم سيد أحمد مليجي  |  بتاريخ: 2013-10-13 ، الوقت: 00:13:06
  • تقييم المقالة:

.. " شِلة غبية " ..

.......................


ارفع ايدك يا اللي سامعنا
ومضيعنا
عد صوابعك بالمعدول

خنصر ، بنصر ، والسبابه
بينهم وُسطى مش بتزول

مش معقول !!
فين ابهامك ، انطق ، قول
اوعى تقوللي قطعته بايدك
وانه ضحيه عـ المعزول

مرسي ، أوباما ، وحسني اخوات
دُوْل اموات
شِلة غبية ، قول حرامية
وانت معاهم ذي الغول
رافع ايدك ناقصة صباع
ذي التعلب والطماع
قاعد يخطف قوت الناس
ولا احساس
فاتح عين ومغمض عين
وعامل نفسه كمان مسئول
خمسة ، خميسه فـ عين اخوانك
عقلك خانك

بص لحكمة ربك يا ابني
خلق الدنيا بحكمة ولين
وانت حزين
عايز تقلب فـ المعدول
قول ما تقول
ترفع ايدك ترفع رجلك
تكتم غِلك
انت فلول
بكره هشوف الدنيا امان
من غير مرسي ولا اخوان

وانت بنارك وباصرارك

تبقى القاتل والمقتول

كلمة اخيرة وقولها لناسك
سيسي باعت لك انت وناسك
لو مش ناوي تبقى عزول
حكم عقلك وامش فـ ضلك
ذي العقرب و البندول

............................
.. " عمرو المليجي " ..
مصـــر 13/10/2013

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق