]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

رسالة الوطن

بواسطة: احمد المليجى  |  بتاريخ: 2013-10-10 ، الوقت: 22:11:54
  • تقييم المقالة:

رسالة الوطن

.........................

كلنا لمصر يا مصريين

لكن هى بلدنا حقها فين      

ثورة يناير و الا التلاتين ؟

 كل دا  يحصل و مش فاهمين

شباب الثورة متهمين ؟

 ورجالة الظلم خلاص أبرار ؟

طب و الإخوان طلعو منين ؟

مشيين بالشارة يقولوا شهداء

و كمان الجيش بيقول شهداء

 وكل دا برضه مش فاهمين

خلينا مجانين و انتم عاقلين

رجالة الثورة الحقيقيين

قولوا لنا يا ناس راحو فين

هم خلاص بقوا رد سجون ؟

والدور الجاى طب على مين

قولوا لنا يا ساسة يا وطنيين

فى كل قناه شمال و يمين

طالعين فى كلام وكمان نازلين

جايين تحللوا فى القرشين

وكلام مواطن عايش مسكين

من كتر الهم راسه فى الطين

شارب المر كاس واتنين

هدمة نضيفة مش طايلين

كلمة رقيقة مش لاقيين

وإيه تانى اياه عايزين

مال الشعب اياه صارفين

ضريبة ودمغة ومش ساكتين

امن امان معاه الوهم يساوى همين

جاية مدارس قول دى سجون

للتلاميذ المساكين

دروس خصوصية يجيبوا منين

و إيه الجاى و جاى منين ؟

حصة بمية قول بمتين

وآخر العام  كحك و بسكوت  

ومعاه يا ولاد حبة بتيفور

مواطن غلبان دمه يفور

تغشيش للطلبة يساوى أيه ؟

قيمة العلم دى راحت فين ؟

قولوا لنا يا حكما فى التعليم

كتاب سنة أولى فى التعليم

يفهموه ازاى المساكين ؟

أولى حضانة يعنى أيه

 يعنى لعب  وجرى وحضن حنين

مش درس عربى حساب ملوش فى الدين

تلاتة سنين  يبدأ درس

يا دوب الواد يقول لك بس

ادينى الرضعة يا بابا خلاص

فهمت الشغلة مانيش بلاص

علمنى نجارة  أصلى  حانداس

او حتى  سترجى ادهن فى أثاث

دولاب وسرير وكمان كومدينو

العلم ف الراس مش ف الكراس

وإيه تانى

يا شعب خلاص ما عاد  مقياس

بين دكتور وإلا نقاش

الكل بينحت و الكل مداس

شباب بلدى بقى ينحاش

أصحاب الثورة بالكرباج

جوا السجن كفاية خلاص

سوريانا الحلوة بيضربوها يافندم

اسكت ياد ماقالولناش

خلينا بعيد ما تفضحناش

بلدنا هى الأولى  ودا شعب مداس

خلاص يا فندم بقوا مداس ؟

ايوا يا واد واحنا وراهم

أقدام الغرب لازم تنباس

فاكر يابا حكاية تلاتة تران

جالهم دب قال اختاروا

أكلى عليكم  وكفاية نقاش

يا لا بقرعة..... يالا بسرعة

انا جوعان..... أنا هفتان

عمل القرعة جات فى الأبيض

قال اتشاهد  رد خلاص

أكل الدب ف غمضة عين

راح الدب و غاب له يومين

قال جوعان يا لا أوام  

عملوا القرعة و شغل تمام

جات فى الاسود أوام له نام

أكله الدب زى الأبيض من غير توهان

غاب الدب يوم واتنين

جاه الدب قاله خلاص

انا متاكل بقالى زمان

زى الأبيض و بعده الأحمر

ما هو الأكل علينا أحكام

هى الوحدة علينا حرام ؟

وإيه تانى قول يا فلان  

يا شعب يا طيب ليه تنهان ؟

فين العدل شوفته خلاص ؟

انا بتمنى من رحمن

الكل يعيش فى سلام وأمان

خد لك كلمة يا شعب اوام

راضيين بالظلم

راضيين بهوان

قول  للبيه مش حاننام

فوضناك وانت المسئول

متوكلناش لقمة حرام

زى ما قالوا ف الأفلام

مش حانوكل ولادنا حرام

أوعاك فيوم تعمل زييهم

حالة الحرب ما تدخلهاش

أولادنا ف ايدك يبقوا أمانة

ما تخذلناش ماتضيعناش

هى الثورة ما تحلاش

والا العهد ما يتوفاش

ما فيناش نبقى للغرب مداس

من بعد اليوم شكاية ما حنقلهاش

هى الثورة ما نسيبهاش

عليك والدنيا ما نرحمهاش

أبدا بالذل ما نرضاش

قلها يا شعب لكل الناس

شرق و غرب روسيا وصين

وكمان أمريكا و بنى صهيون

عيون الوطنى ما تخزاش


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق