]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

.. " مش هقولك " ..

بواسطة: عمرو ابراهيم سيد أحمد مليجي  |  بتاريخ: 2013-10-08 ، الوقت: 23:20:46
  • تقييم المقالة:

.. " مش هقولك " ..

............................

مش هقولك انت ايه

ولّا ايه ولّا ايه

اصل قلبي

غصب عني كتير عليه

ان احكي

عن غرام من غير أماني

وان حكيت صعب ان اخبي

فـ الغرام دمعه تساويه

مش صحيح انك بايعني

وانت فـ بعدك سامعني

مش صحيح معرفش ليه

بس قلبك طيفه قال لي

ان حبك غصب عنك

وانت مش قادر عليه

مش هقولك مين حبيبك

وانت مش داري بنصيبك

بس قلبي مش بايدي

 لو تبيع مين يشتريه

كنت محتاج لك فـ مرة

واشتكيت لك الف مرة

لمّا كان طيفي يزورك

 وانت مش داري بغرورك

 تشتهي الكلمة بنظرة

وتحاسبني بالف نظرة

وان جافيتك او عاتبتك

تنسى قلبي وتعاديه

لو ناديتك مره تانيه

او عاتبتك حتى ثانيه

 يبقى صوتك من عذابك

صحى اشواقي في غيابك

لمّا رديت لك عليه

وان رجعت تقول صالحني

او نويت تقول سامحني

مش هقولك انت ايه

ولا ايه ولا ايه

أصل قلبي غصب عني


كلمة حلوه بتراضيه

............................

.. " عمرو المليجي " ..
مصــــــر 9/10/2013

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق