]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

مفيش مبادرة بجد –همّ الوطن

بواسطة: صبرى محمد  |  بتاريخ: 2011-05-22 ، الوقت: 15:22:27
  • تقييم المقالة:
مفيش مبادرة بجد –همّ الوطن

هانى  يدخل الى غرفة سمير الذى  يجلس امام جهاز الكمبيوتر ويقول

هانى : خلاص لقيتلك اللى بتدور عليه يا ابو الافكار

سمير : لقيت ايه حد يشترى افكارى

هانى : لا يا ابو سمره لقيتلك بنك الافكار

سمير : بنك الافكار !!!

هانى : ايونّ ... بنك الافكار ده مشروع او فكره تقدمها حكومة الدكتور عصام شرف عشان اللى عنه فكرة او مبادره يبعتها

سمير : وبعد ما يبعتها

هانى : هيدرسوها كويس و يقرروا هينفع ينفذوها ولا لأ

سمير : وانا دورى ايه

هانى : اكيد !؟ ولا بتخمن

هانى : مش عارف النقطه دى بس الاكيد ن لو فيه مبادره من شركة كبيره او مؤسسه تبقى هيه اللى هتنفذها ..لكن الافراد مش عارف

           هيشتركوا فى تنفيذ افكارهم ولا ايه

سمير : ابعت افكارى ازاى

هانى : عن طريق موقع بنك الافكار على الانترنت .....ادخل كده على الموقع (يبدأ سمير فى استخدام الكمبيوتر )

سمير : طيب انا هبعت فكرة او فكرتين وهشوف مصيرهم ايه واتمنى ميكونش مصيرهم هو  صندوق الوارد فى الميل زى صندوق الزباله وكانك

           يا ابو زيد ما غازيت

هانى : لأ ما اعتقدتش ... الفكره جميله واكيد هيستفيدوا من الافكار اللى بتوصلهم .

سمير : الفكره بدات من امتى ؟

هانى : تقريبا من شهر مارس اللى فات

سمير : ياه من شهرين او تلاته ومسمعناش عن تنفيذ اى فكرة

هانى : هو انت كنت عارف ان فيه بنك افكار اصلا!!

سمير : فين الاعلام يوصّل للناس الاشياء الجميله المفيده اللى ممكن تفيد البلد !!

هانى : عارف يا سمير احنا عايزين ايه ؟ عايزين مثلا وزير الزراعه يعلن عن توافر اراضى فى الصحراء وعشان تاخد قطعة ارض لازم تقدم رؤيه

           وتصور هتعمل ايه فيها ومحتاج ايه .. يعنى يقدم مشروع متكامل

سمير : ودور الحكومة ايه؟ لازم يكون ليها دور لان الاراضى مش سهل زراعتها

هانى : دور الحكومة يقوم بيه رجال الاعمال اللى مفيش عليهم ضغوط من اى حد عايز يشاركهم فى اعمالهم .. ويقدموا للشباب اللى ممكن تقدمه الحكومة مقابل اى استفاده ليهم من الارض فيما بعد ويكون دة باشراف الحكومة ضمانا للمصداقيه

سمير : مين فينا ابو الافكار .. انت فكرتك رائعه

هانى : بعض ما عندكم .

سمير : اكيد الاراضى هتكون لخريجين زراعه

هانى : مش لازم ..ممكن خريج زراعة يكون بيفكر فى مشاريع الانتاج الحيوانى او انتاج الالبان او يكون اشتغل فى اى حاجه تانيه ومكانش

          بيحب زراعة خصوصا ان كل واحد كان يدخل الكليه حسب التنسيق مش زى ما كان عايز وبيحب...... وممكن خريج حقوق مثلا يكون   

          عنده فكرة مشروع ودراسة جدوى لتحويل الارض فى فترة قصيره لمزرعه كبيرة ويكون درس طرق زراعة ورىّ الاراضى بطريقه متطوره

          توفر الجهد والمياه والتكاليف .

سمير : بس مفيش مبادره بجد .. انا كنت متخيل ان الحكومة هتبدا بمشروع دكتور الباز  ممر التعمير بسرعة  وهو مشروع  مدروس كويس

           والدكتور الباز اقترح طريقة لتنفيذه بطريقة مش هتكلف الحكومة حاجه خالص

هانى : ابعتلهم فكرتك عن حل مشروع الاسكان  او مشكلة الكهرباء باستخدام الطاقة الشمسية او فكرة طمى نهر النيل

سمير : انا هبعتلهم حل مشكلة الاسكان عن طريق حق الانتفاع يعنى كام شركة ..

هانى : لا متقولش ... ابعت على طول

سمير : ايه رايك ابعت كمان فكرة استثمار الحكومة فى مجال السياحة

هانى : ابعت كل افكارك عشان البلد تستفيد بيها بدل ما هى فى الدرج

الى هنا انتهى المشهد

انتهى مشهد نرى فيه حوار بين صديقين فبدلا من الحديث عن الفتيات او الجلوس على الانترنت بلا فائده او  التسامر و السهر و الخروج مع الاصدقاء فى الشوارع ، تحدثوا وتناقشوا عن الوطن ... همّ الوطن

بالفعل .. لقد اصبح الوطن همّا حتى اننا لا ننخرط فى حديث عن الوضع الراهن فى  البلد  الا وينتابنا حزن عميق وتشاؤم على استحياء
            كل مفكرينا العظماء فى الاعلام و السياسة و الاقتصاد يتحثون عن احوالنل ..ما ال اليه حالنا و السبب فى ذلك ومن وراء الاحداث وعن ...وعن ............وعن ..... ولا نجد ال قليل يفكر فى غدا .. . هذان الشابان  ناقشا مشكلات كبرى مثل الاسكان  السياحة و الزراعة و الكهرباء ، يريدون من يقدم مبادره فعليه ..اين رجال الاعمال  الشرفاء ؟ الكل يتسابق لعمل احزاب اما  الاقتصاد فلا يوجد من يمد يده لتنمية اقتصاد البلد . اين رجال الاعمال الشرفاء . لماذا لا يستثمرون فى مجالات الانتاج الزراعى  و الصناعى . لا نقول لا يوجد على  الاطلاق ولكن الننسبه صغيرة . اعرضوا استعدادكم لاستصلاح الاراضى وتسليمها للشباب  استثمروا وازرعوا هنا اولا بدلا من زراعة اراضى دول الجوار !!!!  استصلحوا الاراضى وسلموها للشباب واستفيدوا من الانتاج لفتره معينه ولن يمانع احد . ندعوا رجال الصناعه لانشاء تكتلات صناعيه مع دول شرق اسيا ، وندعوا عباقرة الزراعة الى انشاء اتحاد زراعى مع دول حوض النيل ( اتحاد زراعى مائى كهربى ) .

            وبالبلدى قولوها لدول حوض النيل هتاكلوا وتشربوا وتلبسوا وتصّنعوا وتزرعوا زى ما احنا بناكل ونشرب ونلبس ونصّنع . ندعوا الى انشاء اتحاد عربى و اتحاد افريقى ولكن ليس فى  كرة القدم  .

          


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق