]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

شعب ماعندهوش مبدأ

بواسطة: Osama Hassanin  |  بتاريخ: 2013-09-22 ، الوقت: 13:46:52
  • تقييم المقالة:

ملحوظة: ما يلى لا يدل على إنحيازي إلي فصيل بعينه ولكن هو مجرد تدوين لحال البلاد الجنوني وتعجب لما يقال ويثبت أن عقلية أغلب هذا الشعب عايزة الحرق هيا بنا نتنقل بين الأزمان
*************
النور قطع
-الإخوان: عادي ده من الضغط اللى على الكهربا ،المعارض: الله يخربيتك يا مرسي مانت عمال تدي الكهربا لغزة
-المؤيد: عادي أصل الدنيا حر والناس كلها مشغلة التكيف فبيريحوا شوية ،الإخوان: عشان تعرفوا بس أنه إنقلاب على الشرعية
************
فلان إستقال
-الأخوان: خاين وعميل كلهم بيخافوا ويسيبوا الريس لوحده كلهم عليه..دي مؤامرة على مرسي ،المعارض:راجل شريف مارضيش يقبل بالظلم والفساد حواليه
-المؤيد: البرادعي ده خاين وعميل وساب مصر وقت الأزمة ،الإخوان: وشهد شاهدُ من أهلها..حتى البرادعي رفض فسادكوا وقرف منكوا
**********
قتل أفراد غير مسلحين وإستخدام عنف مفرط غير مبرر -الإخوان: إغضب يا ريس خلصنا من البلطجية اللى ضد الإسلام ويجب التصدى لهم..الله يحميكِ يا شرطتنا ويحميك يا جيشنا..بقى فى حد اسمه جيكا يعملوه شهيد!! ،المعارض: قتلتوا جيكا يا خونة وحطيتوا إيديكوا فى إيد العسكر!! يا نجيب حقهم..يا نموت زيهم
-المؤيد: هما الإخوان دول مش هاممهم مصر ولا البلد دول عايزين يبيعوها ويوقعوا البلد وهاممهم السلطة ،الإخوان: إنت اللى قتلتوا إخواتنا بتفويضكوا
*********
البنات البنات -الإخوان: إيه اللى وداها هناك..دي لابسة عباية بكباسين وتحتها بيكينى..دى قاصدة بقى ،المعارض: يعنى بلاش تطالب بحقها وحق بلادها؟..إحنا محتاجين ثورة تقودها المرأة
-المؤيد:يعني إيه يعني بيسمحوا للأطفال والستات ينزلوا! ده أكيد ساتر عشان يتحاموا فيهم ،الإخوان: يعنى بلاش نطالب بحقوقنا!! ده غير أنه المرأة يجب أنه يكون لها دول فعال
**********
إقفل عندك يابنى
-الإخوان: واحد زي باسم يوسف ده لازم يتحاكم..وقنوات دريم دي لازم تتقفل ،المعارض: هو ده بقى الرئيس اللى قال لن يكسر قلم ولن تغلق قناة فى عهدي
-المؤيد: قنوات زي الحافظ دي لازم تتقفل عشان العنف والقتنة ،الإخوان: أدي يا سيدى حرية الإنقلاب اللى بيتكلموا عنها
***********
-بيقولك المرشد هو اللى بيحكم بدل مرسى..بيقولك السيسي هو اللى بيحكم بدل العدلي
-بيقولك الإخوان بيقتلوا في بعض عشان يلبسوها للجيش والشرطة..بيقولك المسيحيين بيحرقوا كنايسهم عشان يلبسوها فى الإخوان
بيقولك الإخوان دول متشددين هما والسلفيين وإحنا الإسلام الوسطى..بيقولك المعارضين دول علمانيين وملحدين إحنا الإسلام الوسطى
-بيقولك فى رابعة بيخلوا الرجالة والستات تختلي ببعضهم..بيقولك اللى في التحرير بيضربوا ترمادول وبيعملوا علاقات جنسية كاملة
-أبو حامد (الخرطوش أهو يا فندم) فيرد عم الشيخ (إخرس وأقعد ساكت الداخلية دول أشرف من الشرف) ..الشرطة بتدافع عن نفسها لما بيحاولوا يقتحموا الإقسام فيرد الإخواني الشرطة طول عمرها قذرة
-ماتشتمش فى السيسي ده رمز للجيش..ماتشتمش فى مرسي ده رمز للمصريين والمسلميين
***********
هو يموت عشان الشرعية والشريعة ورفعة الإسلام..هو يموت عشان مصر والجيش والإرهاب اللى بيحاربه والدول اللى بتعاديه
هما الإتنين أغبيا مضحوك عليهم
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق